“Oltin to'p–2016” mukofotiga da'vogarlik qilgan va yakunda uchinchi o'rinni egallagan “Atletiko” jamoasi hujumchisi Antuan Grizmann natija borasida o'z fikrlarini bildirib o'tdi. “Uchinchi o'rin olganim katta faxr, quvonch va biroz kutilmagan voqea bo'ldi. Kuchli uchlikdan o'rin olishdan baxtiyorman. Menga ovoz berganlarga rahmat aytmoqchiman. Men to'g'ri yo'ldaman va shu yo'lda davom etishim va mehnat qilishim kerak. Messi va Ronaldu – ikki afsona. Ular ortidan borish menga faxrlidir. Gol urishda, ishlashda, futboldan zavq olib, quvonch ulashda davom etish lozim”, – dedi frantsiyalik futbolchi. Eslatib o'tamiz, Krishtianu Ronaldu faoliyatida to'rtinchi marta “Oltin to'p” mukofotiga egalik qildi. 
— deya xabar beradi uff.uz nashri.