Bugun Farg'onadagi “Istiqlol” stadionida Oliy liga 28-turidan o'rin olgan “Neftchi” – “Qo'qon-1912” jamoalari o'rtasdagi uchrashuv bo'lib o'tadi. "Mazkur o'yinda ham jamoamiz jiddiy yo'qotishlarga duch keldi", - deya xabar bermoqda "Qo'qon-1912" klubi rasmiy sayti. "Bugungi bahsda “Qo'qon-1912” etakchilari: Nosir Otaqo'ziev, Otabek Haydarov, Oybek Nurboev va Shoxruh Xolmatovlar maydonga tusha olishmaydi. Buning sababi yuqorida sanab o'tilgan futbolchilar huquqiy jihatdan “Neftchi”ga tegishli bo'lib, jamoamiz safida ijara asosida to'p surishmoqda. Eslatib o'tamiz, viloyat derbisi maqomini olgan ushbu uchrashuv bugun soat 16:00da boshlanadi", - deyiladi xabarda.
— deya xabar beradi uff.uz nashri.