Bugun, 13 dekabr kuni OFK kubogi va Osiyo Chempionlar ligasi musobaqalari ishtirokchi klublari uchun OFK seminari boshlandi. Qit'amizning har ikkala nufuzli turnirida ishtirok etuvchi 80ga yaqin klub vakillari ishtirok etayotgan seminar Kuala-Lumpurdagi muhtasham “Hilton” mehmonxonasida tashkil etilgan. Seminar boshlanishidan oldin klublar vakillari OFK mas'ullari ro'yxatdan o'tishdi va ishtirokchilar uchun avvaldan tayyorlab qo'yilgan maxsus beyjiklarni qabul qilib olishdi. Klublar vakillarini ro'yxatga olishdan so'ng, mahalliy vaqt bilan soat 10:00da OFK klublar o'rtasida musobaqalar o'tkazish bo'limi boshlig'i Shin Mangil so'z olib, musobaqa oldidan klublarga omad tiladi va seminarni tantanali ravishda ochib berdi. Shundan so'ng, OFK mas'ullari minbarga chiqib, avvaldan rejalashtirilgan seminar ma'ruzalarini o'qib eshittirishni boshladilar. Mahalliy vaqt bilan 14:30da (Toshkentda 11:30 bo'ladi) qura tashlash marosimi boshlanadi. Dastavval OFK kubogi ishtirokchilari o'z raqiblarini bilib olishsa, soat 16:30dan boshlab Chempionlar ligasi guruh bosqichidagi jamoalar o'z raqiblari nomlarini bilib olishadi.
— deya xabar beradi uff.uz nashri.