Qadrli futbol ishqibozlari «InterFUTBOL» gazetasining seshanba sonida bir-biridan qiziqarli maqolalarni mutolaa qilishingiz mumkin. Esklyuziv materiallar, tahlil va suhbatlar  ham sizni befarq qoldirmaydi degan umiddamiz. Demak, gazetamizning 99-sonida nimalarni o'qish mumkin? - Eski stsenariylar futboldan nari… Fikrimizcha, 5-11 dekabr oralig'i mamlakatimiz uchun «Yil haftasi» sifatida baholanishga har jihatdan munosib. Chunki shu vaqt ichida Prezident saylovi natijalari e'lon qilindi, Konstitutsiyamizning 24 yilligi sharafiga bayram tadbirlari tashkillandi, 2017 yilga «Xalq bilan muloqot va inson manfaatlari yili», deb nom berildi. Bayram arafasida bir guruh yurtdoshlarimizga davlat mukofotlarini topshirar ekan, mamlakatimizning yangi saylangan Prezidenti Shavkat Mirziyoev kelgusida sport sohasiga e'tibor yanada kuchaytirilishini va Sport vazirligi alohida bo'lishini ta'kidladi. - Barchasi qur'a haqida 13 dekabr kuni, Kuala-Lumpurda Osiyo Chempionlar Ligasining 2017 yilgi mavsumi uchun qur'a tashlanadi. Uning natijalari haqida gazetamizning payshanba kungi keyingi sonida batafsil yozamiz, albatta. Hozircha esa qur'a jarayoniga bog'liq ma'lumotlar bilan tanishib turaylik... - Xitoy sari Hammasi o'tgan hafta oxirlarida boshlandi. Avvaliga Odil Ahmedov ishtirokida o'tkazilishi rejalashtirilgan matbuot anjumani qoldirildi. Keyin esa «Krasnodar» uni Xitoy klublaridan biriga sotayotgani haqida xabar urchidi. Bunga qo'shimcha holatda Odil shoshilinch ravishda Krasnodarga jo'nab ketgach, darhaqiqat, klubini o'zgartirishi mumkinligi oydinlashdi. Chunki Ahmedov 3-4 kungina oldin ta'til uchun O'zbekistonga kelgan va ma'lum muddat shu erda qolishi kutilayotgandi. Biroq tezda Krasnodarga qaytdimi, bunga zalvorli sabab bor. Albatta, bunday payt turli savollar tug'ilishi turgan gap. - Yangi mavsum arafasidagi eski muammo Mana, Osiyo Chempionlar Ligasining kelgusi ikki mavsumi uchun kvotalar taqsimoti aniqlandi. Unga ko'ra, O'zbekiston chempionatiga 3ta o'rin ajratildi. Aniqrog'i, bitta butun va ikki yorti chipta. Futbol tili bilan aytganda - «1+2». Ya'ni joriy mavsum chempionlikni qo'lga kiritgan «Lokomotiv» guruh bosqichidan bahslarga qo'shilsa, kuchli uchlikdan o'rin olgan «Bun­yodkor» hamda «Nasaf» jamoalarining avvalo, saralashdan o'tishlariga to'g'ri keladi. Ularning raqiblari ham ma'lum va bu borada qarshiliklarga biroz qiyin, albatta. Chunki «ajdarlar» guruh raundi yo'lida 2ta raqib to'sig'ini engib o'tishlari lozim. Xullas, «Nasaf»dan  avvaliga Qarshida Bahraynning «Al-Hidd» klubi qarshiligini sindirish, keyin esa Saudiya Arabistonida «Al-Fotih»dan ustun kelish talab etiladi. O'z navbatida, «Bunyodkor»ni ham oldinda murakkab uchrashuv kutib turibdi... - Ma'mur SAIDQOSIMOV: «Videotakrorlar foyda beradi, albatta» O'quvchilarimizning xabarlari bordir, yaqinda FIFA rasmiy saytida kelasi yil mazkur tashkilot bayrog'i ostida o'tkaziladigan futbol, futzal va plyaj futboli turnirlari doirasidagi uchrashuvlarni bosh­qarib boradigan hakamlar hamda ularning yordamchilari ro'yxati e'lon qilindi. Unga ko'ra, 2017 yili o'zbekistonlik naq 25 nafar hakam xalqaro bahslarga jalb etilishi mumkin. Ushbu ro'yxatga tajribali mutaxassislarimizdan biri, ancha yillardan buyon yurtimiz hamda xorijda tashkil etilayotgan qator musobaqalarda bosh hakamlarga assistentlik qilib kelayotgan laynsmen Ma'mur Saidqosimov ham kiritilgan. Biz fursatdan foydalanib, aniqrog'i, referilar va ularning yordamchilarini  FIFA turnirlariga jalb  etish jarayoni, hakamlar faoliyatining nozik jihatlari haqida batafsil ma'lumot olish ilinjida ushbu laynsmenni suhbatga chorladik. - Muxlis she'ri: Qani, futbolga hurmat?! 70 yil futbolga oshiq, muxlisman, Hayotim bor ekan, u bilan do'stman. Zavq olib, huzurlanib, suyunaman, Millionlar sevgan futbol - betakrorsan!... - Mixail naumov: «Dinamo» oldiga jiddiy vazifalar qo'yilgan» Samarqandning «Dinamo» klubi bir yillik tanaffusdan so'ng yana oliy ligada ishtirok etadi. O'tgan yili ko'hna shahar jamoasi kuchlilar safini tark etganidan keyin murabbiylar shtabida o'zgarish kuzatilgandi: bosh murabbiy vazifasiga XII Osiyo o'yinlari g'olibi Ilhom Sharipov tayinlandi. «Dinamo» mavsumni ko'tarinki kayfiyatda o'tkazib, chempionat yakunlanishiga uch tur qolgan bir paytda muddatidan avval elita yo'llanmasini qo'lga kiritdi. Klub uchun butun mavsum deyarli raqobatdan xoli tarzda o'tdi. Samarqandlik futbolchilar chempionatning 32 uchrashuvidan 26tasida g'alaba nashidasini surishdi. Biz mavsum yakunlari yuzasidan 1-liganing tengsiz kiperi Mixail Naumovdan intervyu oldik. - 11 metrli nuqta Milliy chempionatimiz oliy ligasi birinchi davrasi davomida 40ta, tanaffusdan keyingi o'yinlarda esa 36ta penalti belgilandi. Umuman olganda, hakamlar har bir turda loaqal bir marta 11 metrli nuqtaga ishora qilishdi. Penaltilarning 23tasi safarda o'ynaganlar va qolgan 53tasi mezbonlar foydasiga belgilandi. 1-tur penalti ijrosi borasida eng sermahsuli bo'ldi - 6ta. - Javlon ANOROV: «Katta futbol kichigidan boshlanadi» Yurtimizda futzal kundan-kunga rivojlanib bormoqda. Terma jamoa va klublarimiz Osiyo hamda jahon miqyosida o'tkazilgan yirik turnirlarda munosib ishtirok etishga ulgurishdi. Ayniqsa, bugungi kunda Osiyoning ikkinchi raqamli jamoasi nomi aynan bizning vakillarimizga tegishli ekani quvonarli, albatta. Biz ushbu g'alabalarga munosib ulush qo'shgan tajribali futzalchilardan biri, hozirda «Olmaliq» klubi sharafini himoya qilayotgan Javlon Anorovni suhbatga tortdik. - Ijodkor aqlini yo'qotsa… Tasavvur haddiga siG'mas 10ta butsa. Balotelliga tegishli skalp (bosh terisi), qimmatbaho toshlar va boshqa ajabtovurliklar. Avvallari barchasi o'ta sodda va oddiy edi: butsa masalasida futbolchilar 2tagina guruhga bo'linardi. Birinchi guruhga mansub o'yinchilar oddiylikni qadrlab, shunchaki, an'anaviy qora Adidas Copa butsalaridan foydalanishardi. Yulduzlar guruhiga kiruvchi sanoqli futbolchilar esa yangi va yorqinroq, alohida ko'zga tashlanib turuvchi butsalarni kiyishardi. Endilikda bunday toifalash mutlaqo yo'q. Har bir futbolchi o'z didiga mos turli-tuman butsa tanlamoqda. O'z navbatida, poyafzal ishlab chiqaruvchilarning talablarni qondirish yo'lida ko'p bosh qotirishlariga to'g'ri kelmoqda. Buning samarasi o'laroq, o'ta g'alati va sira aqlga sig'mas butsa modellari ham yaratilyapti. Ko'raylikchi, ular oxirgi bir necha yil ichida qanday «jinni»liklarga qo'l urishdi...? - Hasan al Mavadiy: «Qatar-2022 kelajak mega voqealariga etalon bo'ladi» 2022 yilgi FIFA jahon chempionatining mezbonlik huquqi Qatarga ishonib topshirilganiga naq 6 yil bo'ldi. Yana 6 yildan keyin o'tkaziladigan mundial tashkilotchilari ayni payt tayyorgarlik jarayoni, mamlakatda amalga oshirilayotgan ishlardan mamnunlar. Ularning ta'kidlashlaricha, barchasi reja asosida, ya'ni dinamik tarzda olib borilyapti. Xususan, Oliy kengash bosh kotibi Hasan al Havadiy Qatar-2022 mundialining jahon sporti tarixida ulkan voqelikka aylanishiga sira shubhalanmayapti. U www.sc.qa saytiga bergan eksklyuziv intervyusida tayyorgarlik jarayoniga bog'liq esda qolarli ishlarni tilga olish barobarida 2017 yil bu borada sezilarli rivojlanish-o'sish davri bo'lishini ta'kidladi. Al Havadiyning ishontirib aytishicha, qatarliklar ob-havo sharoitiga doir muammolarga qaramay, kelajakda o'tkaziladigan yirik sport anjumanlari uchun yangi standartlarni belgilab berishadi. - Dibala va qoyilmaqom 5 nafar debyutant MILLIY JAMOALARNING KUZGI O'YINLARIDA «ChAQNAGAN» YaNGI IJROChILAR. Angliya termasi darvozasini ishg'ol qilgan Yago Aspas, «xet-trik»ka erishgan Serj Gnabri va ko'z yoshini tiyolmagan Paulo Dibala... Bugungi maqolamiz yaqindagina milliy terma jamoalar o'yinlarida ko'rinish bera boshlagan asosiy debyu-tantlar haqida. - Haqiqiy ota-o'g'il JOVANNI SIMEONE KIM O'ZI? Bugun  «Sovet-skiy sport» gazetasi ma'lumotlari asosida «Jenoa» hujumchisi Jovanni Simeone haqida hikoya qilamiz. Zero, buning uchun asos bor - mashhur Diego Simeonening o'g'li Italiya «A» seriyasi 14-turi doirasida «Yuventus»ga, yanada aniqrog'i, kimsan Janluiji Buffonga bir juft gol «tortiq» etib, «Jenoa»ning «sensatsion» g'alabasiga asos soldi - 3:1. E'tiborlisi, u turinliklar darvozasini qandaydir 13 daqiqa ichida 2 bora ish-g'ol qilib, haqiqiy ota-o'g'il ekanligini isbotladi. - Chempionlar ligasi. guruh bosqichi. 6-tur Texnik ko'rsatkichlar, Rekordlar, faktlar, raQamlar... - Xenrik LARSSON: «Taqdirimdan zinhor nolimayman» Shvetsiya futboli tarixida yorqin iz qoldirgan Xenrik Larsson faoliyati davomida turli-tuman davrlarni boshdan kechirdi. Deylik yoshlik yillari Shvetsiya milliy chempionatida chinakamiga nur sochdi, keyin «Seltik»da muvaffaqiyatli to'p surdi. Shuning barobarida «Barselona»da ko'proq zaxira o'rindig'idan joy olishiga to'g'ri keldi... Xullas, afsonaviy shved yaqinda FourFourTwo jurnaliga intervyu berish asnosida futbolda bosib o'tgan yo'llari va eng muhim voqeliklarni xotirladi. - Maktubingizni oldik: Munosabat Qachon o'zgaradi? Matbuotda tarqalgan xabarlarga ko'ra, milliy jamoamiz yanvar va fevral oylarida tegishlicha Gruziya va Armaniston termalari bilan kuch sinashib ko'rar ekan. Bu yaxshi, ayniqsa, tanlangan raqiblarga qarasak. Ammo masalaning yana bir tomoni borki, shunisi meni rosa o'ylantiryapti. O'sha o'yinlarda jamoamizning optimal tarkib hosil qilishi gumon. Axir yanvar-fevral etakchi futbolchilarimiz klublari uchun tayyorgarlik yig'inlari ayni avj pallaga chiqadigan vaqt-ku. Esimda yo'q, «InterFutbol»ning qaysidir sonida milliy jamoa yig'iniga salbiy munosabat bildirilgandi. Chunki jahon tajribasida ham bunday yig'in yo'q, hisobi. HAMIShA BIRGA BO'LAYLIK AZIZLAR!!!
— deya xabar beradi uff.uz nashri.