Angliya chempionatining 16-turidan o'rin olgan “Everton" – "Arsenal" uchrashuvi o'z nihoyasiga etdi. Unda 2:1 hisobi qayd etilib, mersisaydliklarning g'alabasi bilan yakunlandi. Qiziqarli voqealarga boy kechgan o'yinda, dastlab Aleksis Sanches birinchi bo'limning 20-daqiqasida hisobni ochishga muvaffaq bo'ldi. Tanaffusga yaqin Beynsning havodan uzatgan to'pidan so'ng Sheymus Koulmen raqib jarima maydonchasida bir o'zi qolib ketganidan unumli foydalanib, muvozanatni tikladi – 1:1. Ikkinchi bo'limda “Everton“ yanada faollashdi va 86-daqiqaga kelib Eshli Uilyams burchak zarbasidan to'pga birinchi bo'lib etib borib, Chexni ikkinchi bor ranjitdi. Shu tariqa, “Arsenal” safarda “Everton”ga yutqazib qo'ydi. Angliya chempionati
16-tur Everton – Arsenal 2:1 (1:1, 1:0)
Gollar: 0:1 – 20 Sanches, 1:1 – 44 Koulmen, 2:1 – 86 Uilyams.
Everton – Stekelenburg, Jagelka, Beyns, Koulmen, Uilyams, Makkarti (Funes Mori, 90), Guye, Barkli, Lennon (Miralyas, 68), Valensiya (Kelvert-Lyuin, 79), Lukaku.
Arsenal – Chex, Gabriel, Monreal, Belerin, Koselni, Oksleyd-Chemberlen (Ivobi, 71), Koklen (Peres, 88), Uolkott (Jiru, 71), O'zil, Sanches, Jaka.
Ogohlantirishlar: Jagelka (18), Makkarti (42), Koselni (84).
Chetlatish: Jagelka (90).
— deya xabar beradi uff.uz nashri.