Quyida “Valensiya” klubi qanday qilib taraqqiyot yo'lini o'zgartirgani va boshqa yo'li qolmagani uchun ortiqcha sarflardan saqlanishi haqida so'z yuritiladi. Bundan bir necha yil avval  «Valensiya» hisob-raqamiga katta miqdordagi pul kelib tushdi, mablag' bilan birga esa jamoaga uzoqni ko'ra olmaydigan rahbarlar ham kelishdi. Hozir klub oxirgi o'rinlarda va kelajak rejasi esa yo'q hisobi. Mendesh hammani chuv tushirdimi? Singapurlik sindikat Piter Lim boshchiligidagi uchinchi yil «Valensiya»ga o'ta og'ir kelishi kutilyapti. Birinchisi esa kutilmaganda o'ta omadli kelgandi - millionlab sarflar va Jorj Mendeshning yordami «uchar sichqonlar»ga «Benfika»ni «o'margan» holda, yulduzli «to'da»ni to'plash imkonini berdi va ular primerada 4-o'rinni egalladilar. Jamoa boshqaruvida esa o'shanda Nunu turgandi. Ispaniyadagi barcha transferlar. To'liq jadval Kelgusi mavsum uning uchun dekabrda nihoyasiga etdi, o'shanda «Valensiya» Chempionlar Ligasida ikki bor «Zenit»ga yut-qazib qo'ydi; shu bilan birga, Ispaniya chempionatidagi ishlar ham kutilganidek kechmadi. Aynan shundan boshlab «Valensiya» omadsizlik girdobida - bir qarasang Jorj Mendeshga ko'proq hokimiyat beriladi va u mijozlariga O'rta er dengizida o'ynash imkonini yaratadi, bir qarasang, «uchar sichqonlar» rahbariyati  Angliyadan Gari Nevillga chipta tayyorlab qo'ygan bo'lishadi. Mazkur professional ekspert va hozircha «Valensiya»ning omadsiz murabbiyi bu erda nima yo'qotgani esa hech kimga ma'lum emas - memuarlar uchun mavzu. Ammo aynan mana shu tarixdan so'ng «uchar sichqonlar» boshqaruvini Pako Ayestaran o'z qo'liga oldi va yo'l-yo'lakay «Barselona» va «Sevilya»ni mag'lubiyatga uchratgan holda, valensiyaliklar uchun muvaffaqiyatsiz kechgan mavsumda muxlislar yuragida kelajakka umid uyg'otganday bo'ldi. Ammo yoz davomida hammasi o'zgardi - etakchilar  «Valensiya» yaxshigina maoshdan boshqa hech narsa va'da qilaolmasligini tushunib etishdi chog'i, ommaviy ravishda jamoani tark eta boshlashdi. Shkodran Mustafi, Antonio Barragan, Andre Gomesh, Xavi Fuego, Pablo Pyatti, Rodrigo de Paul, Sofian Feguli, Pako Alkaserlar «Valensiya» xazinasiga 115 mln. evro keltirishdi va bu yana bir karra «uchar sichqonlar» fanatlariga qachonlardir «Real» va «Barsa» bilan bemalol raqobatlasha oladigan, hatto primerada g'olib bo'lgan  klubni oddiygina biznes-loyihaga aylantirib qo'yishganini ko'rsatdi. Aniq maqsad, reja va masalalar yo'q - faqat pul aylanmasi, bu esa «uchar sichqonlar»ni joriy mavsumda oxirgi o'rinlarga tushirib qo'ydi. Davomi iff.uz saytida
— deya xabar beradi uff.uz nashri.