"Betis" klubi sobiq bosh murabbiyi Pepe Mel Lionel Messi va Krishtianu Ronaldu haqida fikr bildirdi.
"Ronaldu men ko'rgan hujumchilar ichida eng yaxshisi, bunga shubha yo'q. U bosh bilan o'yin borasida bemisl iqtidorga ega, shuningdek har ikki oyog'i bilan ham birdek kuchli zarba yo'llay oladi va juda kuchli jismoniy ko'rsatkichga ega.
Ammo dunyoning eng yaxshi futbolchisi baribir Messi bo'lib qolaveradi. Hammamiz ham Messidek bo'lishni orzu qilamiz. Unda futbolchiga kerak bo'lgan barcha hislatni o'zida jamlay olishdek ajoyib qobiliyat bor.
Menimcha "Oltin to'p" sovrinini ko'pchilik noto'g'ri tushunadi. Odamlar bu sovrin dunyoning eng kuchli futbolchisiga berilmoqda, deb o'ylaydilar. Ammo aslida unday emas. Sovrin mavsumni eng yaxshi o'tkazgan futbolchiga beriladi", - deydi Mel.
— deya xabar beradi uff.uz nashri.