Londonning "Arsenal" jamoasi Chempionlar ligasining nimchorak finalida bir necha yildan buyon o'ta kuchli raqibga ro'baro kelib, keyingi bosqichga chiqa olmayapti. Venger shogirdlari guruhda xoh birinchi o'rinni egallashsin, xoh ikkinchi bo'lishsin, pley-offning ilk bosqichidayoq daxshatli qur'aga duch kelmoqda. Keling yaxshisi, bu haqda batafsil to'xtalib o'tsak.
2010/11 yilgi mavsumda Londonliklar Donetskning "Shaxtyor" jamoasidan ortda qolib, guruhda ikkinchi o'rinni egallashgan edi. Nimchorak finalda esa Venger shogirdlariga "Barselona" raqib bo'ldi. Ilk o'yinda Angliyada 2:1 hisobida zafar quchgan "Arsenal", javob bahsida 1:3 hisobida yutqazib, musobaqani tark etdi.
2011/12 yilgi mavsumda esa "Arsenal" o'z guruhida birinchi o'rindan joy oldi va nimchorakda "Milan" bilan raqib bo'ldi. "San Siro"dagi uchrashuvda mezbonlar yirik 4:0 hisobida zafar quchgan bo'lsalar. Javob o'yinida "kanonirlar" birinchi taymdayoq 3:0 hisobida oldinga chiqib olgandilar. Biroq ikkinchi bo'limda boshqa gol kiritilmadi. Natijada "Arsenal" musobaqa bilan xayrlashdi.
2012/13 yilgi mavsumda "Arsenal" oxirgi turda "Olimpiakos"ga yutqazib qo'ydi va guruhda ikkinchi bo'ldi. Venger shogirdlariga nimchorak finalda "Bavariya" tushdi. Dastlabki uchrashuvda Myunxenliklar tumanli albiondan 3:1 hisobidagi g'alaba bilan qaytib ketishdi. Javob o'yinida esa "Arsenal" 2:0 hisobida zafar quchdi. Safarda urilgan gol evaziga "Bavariya" chorak finalga chiqdi. "Arsenal"ga bu safar ham bitta gol etmadi.
2013/14 yilgi mavsumda "kanonirlar" yana so'ngi turda yutqazib qo'yishdi. Bu safar "Napoli" "Arsenal"dan ustun kelib, klubni guruhda 2-o'rinni egallashiga sababchi bo'ldi. Nimchorak finalda Venger jamoasiga yana "Bavariya" raqib bo'ldi. Nemis jamoasi Londondan 2:0 hisobidagi yutuq bilan qaytib, Myunxenda 1:1 hisobidagi durang natijani qayd etdi. "Arsenal" esa yana o'z yurishini ushbu bosqichda to'xtatishga majbur bo'ldi.
2014/15 yilgi mavsumda “Arsenal" Dortmundning "Borussiya"si bilan bir xil ochko to'pladi. Biroq to'plar nisbatiga ko'ra guruhda ikkinchi bo'ldi. Nihoyat Venger shogirdlariga nimchorakda osonroq raqib tushdi. Biroq hammasi yana eskicha davom etdi. Londonda 1:3 hisobida imkoniyatni boy bergan "Arsenal" Frantsiyada 2:0 hisobida ustun keldi. Biroq safardagi gol yana "Arsenal"ga pand berdi.
2015/16 yilgi mavsumda "Arsenal" guruh bosqichidayoq "Bavariya" bilan to'qnash kelib, zo'rg'a guruhdan chiqqqan edi. Nimchorak finalda esa "kanonirlar"ga yana daxshatli raqib "Barselona" tushdi. "Barsa" Londonda 2:0, Kataloniyada 3:1 hisobida zafar quchib, keyingi bosqichga chiqdi.
Davomi Furqat Yusupov blogida.
— deya xabar beradi uff.uz nashri.