Bugungi kunda Lionel Messi haqida eshitmagan insonlar topilmasa kerak. Faoliyati davomida 500 dan ziyod to'p kiritgan futbolchi ayrim jamoalar darvozasiga loaqal birorta ham to'p kirita olmagan. Bu borada Petr Chexning oldida ojiz bo'lib kelgan Messi faqatgina o'tgan mavsumdagina chexiyalik posbonni “ranjita oldi”. Bunga qadar bo'lib o'tgan olti “duel”ning birortasida argentinalik futbolchi hattoki penaltidan ham “Chelsi”ning sobiq posbonini ranjita olmagan. Buni qarangki, Petr jamoasini o'zgartirgan yiliyoq Messi o'zining bu nohush an'anasiga chek qo'ydi. Umuman Leo shu kunga qadar o'zi o'ynagan baxslarda faqatgina 13 jamoa darvozasiga yo'l topa olmagan ekan. Bugun biz aynan ular bilan tanishtiramiz. “Chelsi” O'tkazgan o'yinlari soni: 8 Messi “Chelsi”ga qarshi baxslarda haqiqiy omadsiz sanaladi. Yuqorida Chex haqida yozganlarimiz bunga isbot bo'la oladi. “Aristokratlar”ga qarshi sakkiz bellashuvning ikkitasida Londonliklar g'alaba qilgan bo'lsa, besh baxs durang bilan tugagan. Yana bir o'yinda esa “Barselona”ning qo'li baland kelgan. Messiga bu jamoa darvozasini ishg'ol etishda goh Petr Chexning seyvlari, goh darvoza to'sin va ustunlari to'sqinlik qilgan bo'lsa, penaltini aniq amalga oshirishda Messiga sovuqqonlik etishmagan holatlar ham bo'lgan. “Rubin” O'tkazgan o'yinlar soni: 4 Bundan besh-olti yil ilgari “Rubin” klublar miqyosidagi eng nufuzli turnirda ajoyib natijalarga erishgan. Qozon klubi EChLda 16 baxsda maydonga tushgan bo'lib, to'rt g'alaba va etti durangga erishgan. Qolgan besh bellashuv raqiblar foydasiga hal bo'lgan. “Barselona” to'rt bor “Rubin”ga qarshi baxs yuritib faqatgina bir bora g'alaba qozongan. O'z navbatida qozonliklar ham bir bor zafar quchgan. 2009-yilning kuzida afsonaviy “Kamp Nou” stadionida sensatsion tarzda Gvardiola jamoasining mag'lub etilishi hali ko'pchilikning yodidan ko'tarilmagan bo'lsa kerak. Leo esa 360 daqiqa davomida “Rubin”ga qarshi baxslarda raqib darvozasini ishg'ol eta olmagan. Ehtimol, Qurbon Berdievning iltijolari o'z ta'sirini o'tkazgandir. “Inter” O'tkazgan o'yinlari soni: 3 Messi italyan jamoalariga qarshi baxslarda alohida tayyorgarlik ko'rsa ajab emas, harqalay, “Milan” hamda “Roma” jamoalari Leodan juda ham ko'p aziyat chekkan. Shunday bo'lsada, “Inter”ga qarshi uchrashuvlarda o'z hisobiga gol yozib qo'ya olmagan. 2008/09-yilgi mavsumda dastavval, guruh bosqichida, so'ngra, yarim finalda “neradzurrilar”ga qarshi baxs yuritgan “Barselona” Joze Mourino boshliq “Inter”dan mag'lub bo'lgan edi. Shu tariqa “ko'k-qoralar” so'nggi 45 yilda ilk bor EChLda g'olib chiqqan edi. Maqolaning davomi penalti.uz saytida.
— deya xabar beradi uff.uz nashri.