“Lokomotiv” futbol klubi 20 dekabr sanasida “Loko Sup” ilk bolalar futbol festivalini tashkil etmoqda. Shu paytga qadar “Lokomotiv” futbol maktabi tarbiyalanuvchilari dunyoning turli mintaqalarida o'tkazilayotgan festival hamda turnirlarda ishtirok etib kelishayotgan edi. Endilikda klubning o'zi ham yosh futbolchilar uchun mana shunday futbol festivali tashkil etishni yo'lga qo'yadi. Ilk “Loko Cup” festivali esa shu yilning 20 dekabrida poytaxtimizda o'tkaziladi. Uchrashuvlarning barchasi soat 14:00dan 18:00ga qadar Toshkent Axborot Texnologiyalari universiteti sport saroyida bo'lib o'tadi. Unda “Lokomotiv” futbol klubining Toshkent shaxri, Surxondaryo viloyati va Namangan viloyatida joylashgan jamoalari,Toshkent shaxridan “Spartak” klubining 2009-2010 yillarda tug'ilgan yoshlardan  iborat jamoalari va “Lokomotiv” futbol maktabi qoshidagi 2011-2012 yillarda tug'ilgan “Loko Junior”, “Loko Kids”, “Chempionchik” ham ishtirok etishi ko'zda tutilgan.
— deya xabar beradi uff.uz nashri.