Aleksandr Xomyakov boshchiligidagi "Mash'al" jamoamiz yangi mavsumga tayyorgarlik ko'rishga kirishdi. "Gazchilar" Yangier bazasida to'planishdi va yangi mavsumga ilk tayyorgarlik bosqichini boshlashdi. Aleksandr Andreevich yig'inga yoshlar jamoamiz va "Mash'al" akademiyamizdan bir qator yosh futbolchilarni ham jalb etgan va ularni ham sinovdan o'tkazmoqda. Jamoamiz yangi mavsumga tayyorgarlikni Yangierda bazasida davom ettiradi. Mashg'ulotlar kuniga ikki mahaldan o'tkaziladi. Dastlabki yig'in dekabr oyi oxirigacha davom etishi kutilmoqda. Tayyorgarlik jarayonida o'rtoqlik uchrashuvlari o'tkazish ham rejaga kiritilgan. Mashg'ulot, yig'in va o'rtoqlik uchrashuvlari haqida to'liq tafsilotlari bilan keyingi xabarlarimizda ma'lumot beramiz.
— deya xabar beradi uff.uz nashri.