Londonning "Arsenal" klubi sobiq hujumchisi Terri Anri nima sababdan londonliklar bu yil Angliya chempioni bo'lishi lozimligini aytib o'tdi.
"Bu yil "Arsenal"ga atalishiga ishonaman. Jamoa muhim o'yinlarda g'alabaga erishishni o'rgandi va bu holat chempionlik uchun kurashda qo'l kelishi turgan gap.
Uolkott va Jiru turli pozitsiyalarda o'ynagani holda bir birini to'ldirmoqda. Shu tariqa hujumda ajoyib raqobat yuzaga kelgan.
Nihoyat O'zil ham o'zidan kutilgan o'yinni namoyshi eta boshladi. Uning qay darajada iqtidorga ega ekanini esa biz yaxshi bilamiz. U ajoyib futbolchi, jahon chempioni. O'zil kuchli texnikaga ega bo'lgani holda maydonni juda yaxshi ko'radi. Ammo ilgari unga barqaror o'yin namoyish eta olmasligi pand berar edi.
Kasorla - jamoa o'yinini belgilab beradigan futbolchi. "Arsenal" o'yiniga latofatni esa Aleksis Sanches olib kirmoqda. Usiz chempion bo'lish imkonsiz. Sanches yaxshi formada bo'lganida "Arsenal"ni engib bo'lmaydi", - deydi Anri.
Eslatib o'tamiz, ayni vaqtda "Arsenal" Angliya chempionatida "Manchester Siti" bilan bir xil ochko to'plagan va qo'shimcha ko'rsatkichlarga ko'ra ikkinchi o'rinni egallab turibdi.
— deya xabar beradi uff.uz nashri.