“Chelsi” jamoasi himoyachisi Sezar Aspilikueta London klubi tarkibida o'zining 200-o'yinini o'tkazdi. Ushbu voqea “Sanderlend”ga qarshi (1:0) APL 16-turida sodir bo'ldi. “Ishlashda davom etib, ochkolar yig'ishga harakat qilamiz. Oldinga yana bir qadar tashlandi. Klub safida 200-o'yinda maydonga tushganimdan xursandman. Kelajakda ko'proq yutuqlarga erishishga umid qilaman”, – dedi ispaniyalik futbolchi. Eslatib o'tamiz, 27 yoshli futbolchi 2012 yilning 25 sentyabr kuni “Vulverxempton”ga qarshi (6:0) o'yinda “Chelsi” tarkibida debyut qilgandi. 
— deya xabar beradi uff.uz nashri.