Madridning “Atletiko” klubi bosh murabbiy Diego Simeone o'rniga munosib o'rinbosar qidirishda davom etmoqda. Avvalroq argentinalik mutaxassis shartnoma muddatini 2018 yilgacha qisqartirgan edi. Shu sabab “Inter” jamoasi Simeoneni Milanga olib kelishni rejalashtirmoqda.
Fox Sports nashri tarqatgan xabarga ko'ra, “Atletiko” ayni damda 2014 yildan beri “River Pleyt”ni boshqarib kelayotgan Marselo Galyardo nomzodini o'rganib chiqmoqda. Ushbu mutaxassis qo'l ostida Buenos-Ayres jamoasi oltita sovringa ega chiqqan. Ular orasida Libertadores va Janubiy Amerika kuboklari ham bor.
— deya xabar beradi uff.uz nashri.