Madridning “Atletiko” jamoasi darvozaboni Yan Oblak Londondagi Eduard VII shifoxonasida operatsiya qilindi. Klub matbuot xizmatining ma'lum qilishicha, jarrohlik amaliyoti muvaffaqiyatli o'tdi. Sloveniyalik posbon “Vilyarreal”ga qarshi (0:3) La Liga 15-tur o'yinida jarohat olib, 41-daqiqada maydonni tark etgandi. Uning elkasi chiqib ketgani taxmin qilingan edi. Ma'lumotlarga ko'ra, Yan Oblakning tiklanishi uchun 3-4 oy zarur bo'ladi. Joriy mavsumda Oblak Primeraning 15 o'yinida maydonga tushib, jami 13 ta gol o'tkazib yuborgan. Ettida o'yinda u darvozasini dahlsiz saqlagan. 
— deya xabar beradi uff.uz nashri.