"Tottenxem" klubi "Manchester Yunayted" hujumchisi Memfis Depayni sotib olish uchun "Everton"ga raqobatchi bo'ladi. Premer-Liganing ushbu mavsumida 22 yoshli futbolchi asosiy tarkibda maydonga tushmadi. Depayga "Roma", "Volfsburg" va "Nitstsa" kabi Evropa klublari qiziqish bildirganlar. Shu kungacha gollandiyalik hujumchi uchun kurashda "Everton" klubi yaqqol favorit edi. Ammo, Liverpool Echo nashrining xabar qilishicha, Depay uchun kurashga Londonning "Tottenxem" klubi ham kirishgan. Bu londonlik va mersisaydliklar klublari o'rtasidagi navbatdagi transfer jangiga aylanishi kutilmoqda. Bundan avval, ushbu ikki klub Mussa Sissokoni qo'lga kiritish uchun kurashgan edilar.
— deya xabar beradi uff.uz nashri.