Madridning "Real" klubi hujumchisi Krishtianu Ronaldu klublar o'rtasidagi jahon chempionatida "Amerika" ustidan qozonilgan 2:0 hisobidagi g'alabadan so'ng futbolda videotakrorlardan foydalanishni qoraladi.
Eslatib o'tamiz, Krishtianu Ronaldu uchrashuvga belgilangan qo'shimcha vaqtda gol kiritishga muvaffaq bo'ldi. Ammo hakamlar ushbu golni darhol inobatga olmadilar va o'yindan tashqari holat xavfi bo'lgani uchun videotakrorlarga murojaat qildilar.
Ular bir qarorga kelgunga qadar maydonda tushunib bo'lmas holat yuzaga keldi. Chunki har ikki jamoa ham hakamning yakuniy qarori qanday bo'lishini bilmas edilar.
"Videotexnologiya va futbol bir-biriga mutlaqo mos emas", - deydi ushbu holat bo'yicha Krishtianu Ronaldu.

— deya xabar beradi uff.uz nashri.