2011 yilgi Osiyo kubogining ilk uchrashuvida Qatar darvozasiga shedevr gol kiritgan Odil Ahmedov uchun xorij chempionatiga eshik ochildi. O'shanda yarim himoyachi “Anji” bilan shartnoma imzolaganida, ko'pchilik norozi bo'lgan edi. Ahmedov Qatar maydonlarida fantastik o'yin ko'rsatganidan keyin, ko'pchilik uni kuchliroq jamoaga o'tishini kutayotgandi. Bu paytda esa hali “Anji” ertagi boshlanmagan edi. Keyin Maxachqal'alaiklar o'z saflariga Roberto Karlos, Yuriy Jirkov, Villian kabi kuchli futbolchilarni qo'shib olgach, Odil adashmganini anglashgandi. U Rossiya chempionatiga tezda moslashib ketdi va ilk mavsumdayoq jamoaning eng yaxshi futbolchisi bo'ldi. Endi Odilni Evropaning kuchli beshlik chempionatlariga o'tishini kuta boshlashdi. Unga hattoki “Arsenal” jamoasi qiziqish bildirayotgani haqida xabarlar tarqaldi. Futbolchini London klubiga o'tishini ko'pchilik intizorlik bilan kutdi. Xuddi terma jamoamizning jahon chempionatiga chiqishini kutganidek. Biroq bu amalga oshmadi. 2 yildan keyin Sulaymon Kerimovning “Anji”si pastga sho'ng'iy boshladi. Natijada klub etakchilarini “rasprodaja”ga qo'ydi. Ahmedov o'ziga “Krasnodar”ni tanladi. Bu jamoa oxirgi paytlarda Rossiyada 3-4-o'rinlar kurashayotganini inobatga olganda, bu tanlov yomon emas edi.
Xullas Odilni Evropa kuchli chempionatlaridan biriga o'tishini kutayotganlar yana sabr qilishlariga to'g'ri keldi. Futbolchi “Krasnodar”da ham dastlabki mavsumdayoq yil futbolchisi bo'ldi. Ana endi uni Evropaga o'tadi deb kuta boshladik. Lekin Evropa qurg'urdan darak bo'lmadi. 3 yildan buyon Krasnoyarsk klubida asosiy tarkibdan o'rin egallab kelayotgan Ahmedov, kutilmaganda Xitoyga yo'l olishi haqida xabarlar paydo bo'ldi. Ha, buni deyarli hech kim kutmagan edi. Hamma Odilni Evropa yo'l olishini kutayotganida, u Osiyoga qaytishi ortga tashlangan qadam deb hisoblovchilar talaygina. Menimchya ham bu ortga yo'l hisoblanadi. Nima uchun? Davomi Furqat Yusupov blogida.
— deya xabar beradi uff.uz nashri.