Londonning "Chelsi" klubi yarim himoyachisi Oskarga Xitoyning "Shanxay Tellays" klubidan taklif bor. Agar ushbu transfer amalga oshsa, Oskar Ronaldu va Messidan so'ng dunyoning eng ko'p maosh oladigan uchinchi futbolchisiga aylanadi.
Xitoyliklar Oskarga haftasiga 400 ming, yiliga esa 20 million funt to'lashga tayyor. Ushbu mablag'dan soliq qiymati chiqarib tashlangan. Ayni vaqtda Oskar "Chelsi"da haftasiga 90 ming funt maosh olmoqda.
Eslatib o'tamiz, biroz vaqt muqaddam "Chelsi" Oskarni 60 million funt evaziga «Shanxay Telleys»ga sotishga rozi bo'lgani aytilgan edi.
— deya xabar beradi uff.uz nashri.