Malayziyaning Kuala-Lumpur shahrida davom etayotgan “Supermokh Cup 2016” turniri qizg'in pallasiga kirdi.
2002 yilda tavallud topgan futbolchilar o'rtasidagi bahslarda chorak final uchrashuvlari bo'lib o'tdi. Unda Sergey Chigodaev va Akmal Risqullaev boshchiligidagi tarbiyalanuvchilar PSJ klubi akademiyasi jamoasi bilan to'qnash keldi.
Asosiy vaqtda 1:1 hisobi qayd etildi. “Qaldirg'ochlar”ning yagona golini Jasur Jaloliddinov frantsiyaliklar darvozasiga urdi. Penaltilar seriyasida 11:10 hisobida "Bunyodkor" raqibni mag'lub etib yarim finalga yo'l oldi.
“Bunyodkor” akademiyasi so'nggi yillarda anchayin rivojlanishga erishgani mana shu o'yin orqali bilib olish qiyin emas. Dunyoga mashhur bo'lgan klub akademiyasi tarbiyalanuvchilarini mag'lub etish albatta yoqimli yangilik bo'ldi.
Qayd etish kerakki, Jasur Jaloliddinov turnirdagi o'zining 9-golini urishga erishdi. U “Supermokh Cup 2016” musobaqasi to'purari bo'lishga asosiy nomzodlardan biri bo'lib turibdi.
Manba: championat.asia
— deya xabar beradi uff.uz nashri.