Angliya premer ligasining 16-tur uchrashuvlari ham bo'lib o'tdi. Unda bir qator markaziy o'yinlarni kuzatdik. Masalan, “Chelsi” safarda “Sanderlend” ustidan g'alaba qozondi. “Manchester Yunayted” ham 3 ochkoni qo'lga kiritdi. Shuningdek, Yurgen Klopp boshchiligidagi “Liverpul” g'alaba qozonib, ikkinchi o'ringa ko'tarildi. “Manchester Siti” va “Tottenxem” ham g'alaba qozondi, lekin “Arsenal” yutqazib qo'ydi. “Arsenal” mag'lubiyatga uchradi “Arsenal” jamoasi safarda “Everton” jamoasiga qarshi maydonga tushdi va mag'lub bo'ldi. Avvaliga Sanches hisobni ochgandi, lekin mersisaydliklar iroda namoyish etib, so'nggi daqiqalarda g'alabani tortib olishdi. 13 dekabr. Liverpul. "Gudison Park" stadioni. 39510 tomoshabin.
Bosh hakam: Mark Klattenburg (Nyukasl-apon-Tayn).
“Everton” – “Arsenal” - 2:1
Gollar: Sanches, 20 (0:1). Koulmen, 44 (1:1). Uilyams, 86 (2:1). “Liverpul”dan yirik g'alaba “Liverpul” jamoasi safarda “Midlsbro”ga qarshi maydonga tushdi va g'alabani nishonladi. Ushbu o'yinda Adam Lallana o'z o'yinini namoyish etib, jamoasining g'alabasiga katta hissa qo'shdi. 14 dekabr. Midlsbro. "Riversayd" stadioni. 32704 tomoshabin.
Bosh hakam: Jonatan Moss (Yorkshir).
“Midlsbro” – “Liverpul” - 0:3
Gollar: Lallana, 29 (0:1). Origi, 60 (0:2). Lallana, 68 (0:3). “Chelsi” ancha oldinga o'tib ketdi “Chelsi” jamoasi safarda “Sanderlend” mehmon bo'ldi va g'alaba qozondi. Yagona golni Sesk Fabregas kiritdi. Antonio Konte shogirdlari hozircha g'alabali seriyalarini davom ettirib, ortidan quvib kelayotganlardan 6 ochkoga o'zib ketdi. 14 dekabr. Sanderlend. "Stadium of Layt" stadioni. 41008 tomoshabin.
Bosh hakam: Nil Svarbrik (Lankashir).
“Sanderlend” – “Chelsi” - 0:1
Gol: Fabregas, 40 (0:1). “MYu”dan muhim 3 ochko “Manchester Yunayted” jamoasi safarda “Kristal Pelas” klubiga qarshi maydonga tushdi va so'nggi daqiqalarda g'alaba qozondi. Mazkur o'yinda Pol Pogba va Zlatan Ibrohimovich yaxshi taassurot qoldirishdi. Ikkalasi kiritgan gol jamoaga muhim 3 ochkoni taqdim etdi. 14 dekabr. London. "Selxerst Park" stadioni. 25547 tomoshabin.
Bosh hakam: Kreyg Pouson (London).
“Kristal Pelas” – “Manchester Yunayted” - 1:2
Gollar: Pogba, 45+2 (0:1). Makartur, 66 (1:1). Ibrohimovich, 88 (1:2). “Manchester Siti” ham g'alaba qozondi “Uotford” jamoasi safarda “Manchester Siti” klubi mehmoni bo'ldi va mag'lubiyatga uchradi. Bu gal “shaharliklar” mehmonlarga deyarli imkoniyat qoldirmadi. Sabaleta va Silvaning gollari jamoaga muhim 3 ochkoni keltirdi. 14 dekabr. Manchester. "Ittixod" stadioni. 51527 tomoshabin.
Bosh hakam: Kevin Frend (Lestershir).
“Manchester Siti” – “Uotford” - 2:0
Gollar: Sabaleta, 33 (1:0). Silva, 86 (2:0). “Tottenxem”da ham g'alaba “Tottenxem” jamoasi o'z uyida “Xall Siti”ni qabul qildi va yirik hisobda g'alabaga erishdi. Ushbu o'yinda Eriksen dubl qayd etgan bo'lsa, Vanyama o'z hisobiga bitta gol yozdirib qo'ydi. 14 dekabr. London. "Uayt Xart Leyn" stadioni. 31347 tomoshabin.
Bosh hakam: Andre Marriner (Birmingem).
“Tottenxem” – “Xall Siti” - 3:0
Gollar: Eriksen, 14 (1:0). Eriksen, 63 (2:0). Vanyama, 73 (3:0). Qolgan-qutganlar 13 dekabr. Bornmut. "Vitaliti Stedium" stadioni. 11068 tomoshabin.
Bosh hakam: Pol Tirni (Lankashir).
“Bornmut” – “Lester” - 1:0
Gol: Pyu, 34 (1:0). 14 dekabr. London. "Boleyn Graund" stadioni. 56990 tomoshabin.
Bosh hakam: Robert Medli (Yorkshir).
“Vest Xem” – “Bernli” - 1:0
Gol: Noubl, 45+3 (1:0).
Urilmagan penalti: Noubl, 45+3 (darvozabon). 14 dekabr. Vest Bromvich. "Xautorns" stadioni. 21467 tomoshabin.
Bosh hakam: Maykl Oliver (Nortumberlend).
“Vest Bromvich” – “Suonsi” - 3:1
Gollar: Rondon, 50 (1:0). Rondon, 61 (2:0). Rondon, 63 (3:0). Rautlej, 78 (3:1). 14 dekabr. Stok-on-Trente. "Britannia" stadioni. 27002 tomoshabin.
Bosh hakam: Entoni Teylor (Manchester).
“Stok Siti” – Sautgempton” - 0:0 Tur o'yini, tur ramziy terma jamoasi, tur futbolchisi va boshqa qiziqarli statistikalar bilan ushbu havola orqali tanishib olishingiz mumkin.
— deya xabar beradi uff.uz nashri.