"Yuventus" klubi hujumchisi Simone Zaza "Vest Xem"dagi ijara muddati tugamasidan turib, turinliklar safiga qaytadigan bo'ldi. Bu haqda futbolchining agenti Vinchentso Morabito ma'lumot berib o'tgan. Hujumchining transfer huquqi "Yuventus"ga tegishli bo'lib, tovon puli 20 mln evroni tashkil qiladi. "Simone "Yuventus"ga qaytadi, chunki "Vest Xem" klubi uning xizmatlaridan voz kechmoqchi. Turinliklar hujumchiga muhtojlik sezayotganini inobatga oladigan bo'lsak, Zaza butunlay "Yuventus"da qolishi mumkin. Agar bunday bo'lmaydigan bo'lsa, boshqa variantlar ham bor" – deya agent so'zlarini keltirmoqda Juvenews nashri. Eslatib o'tamiz, klublar o'rtasidagi o'zaro kelishuvga ko'ra, agar Zaza 14 o'yinda asosiy tarkibda tushadigan bo'lsa, "Vest Xem" uni 20 mln evroga sotib olishi kerak edi.
— deya xabar beradi uff.uz nashri.