Dastlabki yig'in mashg'ulotlarining ikkinchi kunida yana ikki futbolchi “Olmaliq“ jamoa safini to'ldirdi. Markaziy himoyachi Vladislav Kosminin Belorussiyaning "Neman" jamoasi a'zosi hisoblanadi. Qadamboy Nurmetov esa o'tgan mavsumlarda jamoamiz yoshlar tarkibida faoliyat yuritgan. Futbolchilar bugun ikki mahal mashg'ulot o'tkazishdi. Dastlab "Bunyodkor" futbol akademiyasi maydonida shug'ullanishdi. Kechki payt esa aerobika va trenajer zalida ularga maxsus yuklamalar berildi. "Olmaliq" 20 dekabrgacha xuddi shu tartibda mashg'ulot o'tkazadi. 21 dekabr kuni Toshkentning "Bunyodkor" jamoasi bilan dastlabki nazorat o'yini tashkil etiladi.
— deya xabar beradi uff.uz nashri.