Germaniya chempionatining 15-turidan o'rin olgan “Xoffenxaym” – “Borussiya D” uchrashuvi o'z nihoyasiga etdi. Unda 2:2 hisobi qayd etilib, jamoalar murosa ko'chasini tanlashdi. Anchagina qiziqishli kechgan va kurashlar boy kechgan uchrashuvda dastlab birinchi bo'limning 3-daqiqasidayoq Ut mezbonlarni hisobda oldinga olib chiqdi. Oradan sakkiz daqiqa o'tar-o'tmas Mario Gettse muvozanatni tikladi. 20-daqiqaga kelib Vagner jamoasini yana hisobda oldinga olib chiqdi. Ikkinchi bo'limning ilk daqiqalarida esa Obameyang hisobni 2:2 ko'rinishga olib keldi. Aytish joiz, “Borussiya“ 41-daqiqadan boshlab, Marko Roys maydondan chetlatilgani tufayli bir kishi kam bo'lib o'ynadi. Shu tariqa. “Borussiya” safarda “Xoffenxaym” bilan jangovar durang qayd etdi. Germaniya chempionati
15-tur Xoffenxaym-1899 – Borussiya D 2:2 (2:1, 0:1)
Gollar: 1:0 – 3 Ut, 1:1 – 11 Gettse, 2:1 – 20 Vagner, 2:2 – 48 Obameyang.
Xoffenxaym-1899 – Baumann, Zyule, Fogt, Xyubner, Rudi, Kaderjabek, Tolyan, Demirbay (Atik, 61), Amiri, Ut (Kramarich, 58), Vagner.
Borussiya D – Vaydenfeller, Ginter, Bender, Bartra, Pulishich (Ramos, 83), Vaygl, Gettse, Shmeltser, Dembele (Mor, 69), Roys, Obameyang (Merino, 90).
Ogohlantirishlar: Roys (9), Bartra (27), Zyule (30), Xyubner (39), Demirbay (58), Fogt (86), Rudi (86).
Chetlatish: Roys (41).
— deya xabar beradi uff.uz nashri.