Malayziyaning Kuala-Lumpur shahrida o'tkazilayotgan “Supermokh Cup 2016” turniri hal qiluvchi pallasiga kirdi.
Bugun, 17 dekabr kuni “Bunyodkor”ning har ikkala jamoasi o'z uchrashuvlarini o'tkazishdi. 2002 yilda tavallud topgan futbolchilardan iborat jamoamiz kecha Frantsiyaning PSJ futbol maktabi tarbiyalanuvchilarini irodali tarzda mag'lubiyatga uchratib, yarim finalga yo'llanma olgandi. Sergey Chigodaev va Akmal Risqullaev shogirdlari finalga chiqish uchun bugun Malayziya pumalari jamoasi bilan kuch sinashishdi. Qiziqarli va murosasiz kechgan bahsda vakillarimiz 1:2 hisobida imkoniyatni boy berib qo'yishdi. Jamoamizning yagona golini Diyorbek Rahimqulov jarima zarbasidan kiritdi.
2004 yilda tug'ilgan futbolchilarimiz esa guruh bosqichidan muvaffaqiyatli o'ta olmagan sakkizta jamoa bilan kichik kubok uchun kurash olib borayotgandi. Afsuski, Mirkamol Qosimov va Temur Boboxonov shogirdlari bugun Janubiy Koreyaning “Byulnay” jamoasiga yutqazib qo'ydi – 0:2.
— deya xabar beradi uff.uz nashri.