“Barselona” jamoasi bosh murabbiyi Luis Enrike “Espanol”ga qarshi Ispaniya chempionati 17-turidan oldin o'z fikri bilan o'rtoqlashdi. Bo'lajak o'yin Kataloniya derbisi maqomida, 18 dekabr kuni bo'lib o'tadi. “Vaziyatni to'g'ri baholash kerak. Biz jamoa o'yinini kuchaytirish haqida doim o'ylaymiz. Agar barcha turnirlarda g'alaba qozonsak ham, o'z ustimizda ishlashda davom etishimiz kerak. “Espanol”ga qarshi Kataloniya derbisida g'ayrioddiylik yo'q. Har bir yirik shaharda derbi bo'ladi. G'alaba qozonish biz uchun muhim, o'shandagina etakchiga bo'lgan bosimni o'tkaza olamiz”, – dedi ispaniyalik murabbiy. 
— deya xabar beradi uff.uz nashri.