Madridning «Real» klubi bosh murabbiyi Zinedin Zidan Klublar o'rtasidagi JCh finali oldidan o'z fikrlari bilan o'rtoqlashdi. «Bu o'yin jamoa uchun juda muhim. Biz bu erga g'alaba qozonish uchun kelganmiz. Yaxshi harakat qilishimiz va o'yinni nazoratga olishimiz kerak. Raqib bizga qiyinchilik tug'diradi, ammo biz bunga tayyormiz. Birinchi uchrashuv uzoq parvoz va maydonga ko'nika olmaganimiz tufayli biroz qiyin kechdi. Bunday ko'p vaqtni mehmonxonada o'tkazish biroz zerikarli bo'lmoqda, ammo bu kasbimizning bir bo'lagi hisoblanadi. «Kashima Antlers» bizgacha uch o'yinda g'alaba qozondi va bu klub finalda o'ynashga haqli. Yaponiya futboli so'nggi yillarda sezilarli darajada o'sdi. «Kashima Antlers» – kuchli jamoa, ularning o'yini yaxshi tashkillishtirilgan va himoyada a'lo darajada harakatlanadilar. Ishqibozlar ularni qo'llab-quvvatlaydilar, ammo bu hech narsani o'zgartirmaydi. Biz g'alaba qozonish va eng yaxshi o'yinimizni ko'rsatish uchun borimizni beramiz», — deya Zidan so'zlarini keltirmoqda Goal nashri. «Real» — «Kashima Antlers» uchrashuvi 18-dekabr kuni 15:30da boshlanadi.
— deya xabar beradi uff.uz nashri.