O'tgan hafta Rossiya­ning qozon shahrida 2017 yili bo'lib o'tadigan Konfederatsiyalar kubogi bahslariga qur'a tashlandi. Mazkur marosimda Braziliya terma jamoasi safida ushbu musobaqada ikki bor g'olib bo'lgan Julio Baptista ham qatnashdi. Eslatib o'tamiz, futbolchi ayni paytda Amerikaning «Orlando Siti» klubi sharafini himoya qilmoqda. Bundan unumli foydalangan rossiyalik jurnalistlar Baptis­ta bilan suhbat qurishdi. - Konfederatsiyalar kubogi men uchun o'zgacha turnir. Aynan shu musobaqada Braziliya terma jamoasidagi debyutimni nishonlaganman,-deydi 35 yoshli futbolchi. - Bu 2001 yili Yaponiyaga qarshi uchrashuvda yuz bergandi. Faoliyatim davomida mazkur turnirda uch marta qatnashganman. Shundan ikkitasida g'alaba qozonganmiz. Demak, bu men uchun jahon chempionatidan keyin eng yaxshi turnir. - 2017 yilgi Konfederatsiyalar kubogida qaysi jamoani favorit deb hisoblaysiz? - Bunday turnirlardan oldin u yoki bu jamoani favorit deb bo'lmaydi. Masalan, Rossiya, musobaqa mezboni. Demak, har tomonlama o'zini ko'rsatishga harakat qiladi. Jamoa tarkibida yaxshi futbolchilar bor. Murabbiylarda esa ularni tayyorlash uchun vaqt etarli. - Qozon shahri haqida qanday fikr­dasiz? Sovqotib qolmadingizmi? - qozonni tomosha qilishga ulgurmadim. Chunki dastur juda tig'iz. Ob-havo haqida fikr bildiradigan bo'lsam, sovuqni yaxshi ko'rmayman. Ammo o'z vaqtida Sankt-Peterburgda o'ynaganman. Unda hozirgidan issiqroq edi (gap UEFA kubogidan o'rin olgan, 2004 yilning noyabrida bo'lib o'tgan «Zenit» - «Sevilya» uchrashuvi haqida ketyapti. O'yin 1:1 hisobida yakun topgan. E'tiborli tomoni, sevilyaliklar goliga aynan Julio Baptista mualliflik qilgan). O'sha tashrifimni hali ham eslayman, Peterburg ajoyib shahar ekan. - Konfederatsiyalar kubogiga Braziliya terma jamoasi kelmaydi. Ammo 2017 yilda braziliyaliklar Rossiya bilan o'rtoqlik uchrashuvini o'tkazishadi. Hamyurtlaringiz uchun bu o'yin qanchalik muhim bo'lishi mumkin? - Albatta. Braziliya terma jamoasiga jahon chempionatini qabul qiladigan stadionlardan birida o'ynash foydadan xoli emas. Rossiya termasida esa Braziliyadek kuchli jamoaga qarshi maydonga tushib, o'z imkoniyatlarini sinab olish imkoni bor. Buning ustiga, rossiyaliklar Braziliya termasi haqida iliq fikrdalar. O'z navbatida, braziliyaliklarga ham Rossiya yoqadi. Shunday ekan, o'yinga bo'lgan qiziqish ortishi turgan gap. - Braziliyaliklar saralash bahslarini bo'sh boshlashgandi. Ayni payt­da esa o'zlarini o'nglab olishdi. - Ha. Jamoaning Rossiyaga kelishiga hech kim shubha qilmayapti. Mundial yo'llanmasi qo'lga kiritildi, hisob. Bunda jamoaning yangi bosh murabbiyi Titening xizmatlari katta. U jamoani qaytadan shakllantirdi, taktikani o'zgartirdi va kuchli futbolchilarga o'zlarining yaxshi jihatlarini namoyish qilishlari uchun imkoniyat yaratib berdi. Ayni paytda Braziliya to'g'ri  yo'ldan ketmoqda. - Rossiya chempionatida o'ynayotgan hamyurtlaringiz orasida siz taniydiganlari bormi? Davomi Interfutbol.uz saytida.
— deya xabar beradi uff.uz nashri.