"Atletiko" hujumchisi Antuan Grizmann Ispaniya chempionatida gol ura olmaslik borasida antirekordini yana yangiladi. Endi uning golsiz o'yinlari soni 9 taga etdi.
Kecha "Atletiko" klubi "Las Palmas"ga qarshi maydonga tushdi va 25 yoshli futbolchi yana gol ura olmadi. Uchrashuvda yagona gol Saul hisobiga yozilgan.
Grizmann oxirgi marta Chempionlar ligasida PSVga qarshi kechgan o'yinda gol urgan edi (2:0). Ispaniya chempionatida esa 2 oktbyarda "Valensiya"ga qarshi kechgan bahsda gol kiritgan.
Frantsiya terma jamoasi hujumchisi Ispaniya chempionatida joriy mavsum 15 uchrashuvda maydonga tushib, 6 ta gol urdi va 4 ta golli uzatmani amalga oshirdi.
— deya xabar beradi uff.uz nashri.