«PSJ» yarim himoyachisi Marko Verratti Frantsiya chempionati 18-turidan o'rin olgan «Gengam»ga qarshi kechgan bahsdan so'ng o'z fikrlari bilan o'rtoqlashdi. «Biz ko'p o'yinlarda mag'lubiyatga uchradik. Bunda murabbiyning aybi yo'q, hamma ayb bizda. Muammo taktikada emas, kontsentratsiyada. Emeri juda kuchli murabbiy. U biz bilan har kuni tinmay ishlaydi. Natijalar yomon, ammo bunda uning aybi yo'q. Biz so'nggi to'rt yil davomida o'yinlarda ustunlik qilishga o'rganib qoldik va hozir ham uchrashuv boshidanoq hotirjamlikka berilib qolmoqdamiz. Qiyin bo'ladi, ammo biz avvalgi holatimizga qaytishimiz kerak. Chempionatni yutib olish uchun bizda hali imkoniyat bor», — deya Veratti so'zlarini keltirmoqda Goal nashri.
— deya xabar beradi uff.uz nashri.