Madridning “Real” jamoasi bosh murabbiyi Zinedin Zidan o'z o'yin uslubini o'zgartirmasligini ma'lum qildi. Bu haqda frantsiyalik mutaxassis 2 yil avval Karlo Anchelotti bosh murabbiyligi ostidagi jamoa klublar o'rtasidagi JChdan keyin pastlaganidan so'ng berilgan savolga javoban aytdi. “O'shanda nima bo'lganini bilmaymiz. Pasayish istalgan vaqtda bo'lishi mumkin. Mavsum uzun va oson kechmaydi. O'z ishimizga ishonganimiz uchun, “Real”da hech narsa o'zgarmaydi”, – dedi Zidan. Eslatib o'tamiz, “Real” 2016 yilgi klublar o'rtasidagi JCh finalida “Kasima Antlers”ni 4:2 hisobida mag'lubiyatga uchratib, bosh sovringa ega bo'ldi. 
— deya xabar beradi uff.uz nashri.