Rossiyada neft qazib oluvchi davlatlar ishtirokida boks bo'yicha jahon kubogi musobaqasida finalga chiqqan bokschilar aniqlandi.
 
O'n to'rtinchi marotaba tashkil etilayotgan nufuzli musobaqada yarim finalda ringga chiqqan besh nafar hamyurtimizdan uchtasi final yo'llanmasini qo'lga kiritdi.
Yarim finalning eng keskin va murosasiz uchrashuvlaridan biri eng engil - 49 kilogramm vazn toifasida hamyurtimiz Mironshoh Ibrohimov va rossiyalik Edmond Xudoyan o'rtasida bo'ldi. Ushbu jangda tezkor zarbaga ega bo'lgant bokschimiz 3:2 hisobida zafar quchdi. Mironshoh finalda mezbonlarning yana bir bokchisi Belik Galanov bilan kuch sinashadi.
 
Vazni 64 kilogramm bo'lgan bokschilar bahsida qatnashayotgan Iqboljon Xoldorov rossiyalik Avak Uzlyan bilan bellashdi. Uchrashuvda raqibidan har tomonlama ustunligini namoyish etgan o'zbek bokschisi 5:0 hisobida zafar quchdi va oltin medal uchun mezbonlar vakili Aleksey Mazurga qarshi ringga chiqadi.
75 kilogramm vazn toifasidagi boksichmiz Isroil Madrimov ham finalga yo'llanma oldi. Yarim final jangida belaruslik Vitaliya Bondarenko hamyurtimizga hech qanday qarshilik ko'rsatolmay, uchrashuvni boy berdi. Isroil chempionlik jangida rossiyalik Aleksandr Agafonov bilan bellashadi.
Yarim final uchrashuvlarida mag'lubiyatga uchragan Mirazizbek Mirzaxalilov va Ulug'bek Mubinov bronza medal bilan kifoyalandi.
— deya xabar beradi uff.uz nashri.