Ma'lumki, shu yilning 26 noyabr kuni qozon shahrida Konfederatsiyalar kubogi-2017 turnirining qur'a tashlash marosimi bo'lib o'tdi. Unga ko'ra, 8 nafar ishtirokchi jamoalar ikki guruhga bo'linib, o'z raqiblarini aniqlab olishdi. Xo'sh, yangi yilning yozida Moskva, Sankt-Peterburg, Sochi va qozon shaharlarida o'tkaziladigan yirik musobaqada qaysi jamoa favoritga aylanadi? Ularning qay biri yorqinroq o'yin ko'rsatadi? Boshqacha aytganda, kimga muxlislik qilasiz? ROSSIYa TERMA JAMOASI qardoshlik rishtalari, vatan sha'ni Sir emaski, Rossiya futboli so'ng­gi yillarda yangilanish davrini boshdan kechirayotgani bois, o'z nufuzini ancha boy berib qo'ydi. Terma jamoaning FIFA reytingidagi pasayishi ham shuning oqibati. Nima bo'lganda ham, Konfederatsiyalar kubogiga ruslar imkon qadar puxta tayyorgarlik ko'rishayotgani aniq. Zero, JCh-2018 mezbonidek sharafli nom Rossiyadan munosib ishtirokni talab etadi. JCh arafasidagi jiddiy sinov Mundial mezboni uchun o'z imkoniyatlarini chamalab olish, raqiblar salohiyatidan xabardor bo'lish uchun Konfederatsiyalar kubogidan mukammalroq sinov yo'q. Tan olaylik, Germaniya yoki Portugaliya termasi bilan bir marta kuch sinashish Turkiya saviyasidagi jamoalarga qarshi 10 marta uchrashuv o'tkazishdan manfaatliroq. Yuksalayotgan o'yinchilar Jamoaning talab darajasida emasligi oydek ravshan. Lekin bir qator yosh iqtidor sohiblarining harakatlaridan zavq olish imkoniyati bor. Kutepov, Novoseltsev, Zobnin, Miranchuk, Poloz va Kokorin yarim yil mobaynida o'z mahoratlarini yanada oshirish uchun barcha sharoitlarga egalar. ChILI TERMA JAMOASI Jangovarlik xislati Chililiklar aynan shu jihat bilan rossiyaliklarga o'rnak bo'la olishadi. Bu jamoa vakillari xuddi jangchilardek dadillik bilan olg'a intilishadi. Ular qatorasiga ikki marta Janubiy Amerikaning eng kuchli jamoasi unvoniga sazovor bo'lishdi. Chili termasining maydonda mardonavor to'p surishiga yirik musobaqalardagi Argentina va Ispaniya jamoalariga qarshi bellashuvlarda ham guvoh bo'lganmiz. Ajoyib tarkib Bravo, Sanches, Vidal, Medel, Eduardo Vargas kabi yulduzlar, shuningdek, Chili va Braziliya chempionatlarida to'p surayotgan iqtidor sohiblarining ko'pchiligi sharafiga o'z yurtlarida yodgorliklar qad rostlagan. Rossiya termasi qatorasiga ikki marta qit'aning eng kuchli jamoasi unvonini qo'lga kiritsa, muxlislar uning futbolchilariga qanday munosabatda bo'lishlarini bir tasavvur qilib ko'ring-a. Shunday ekan, Chilidek ajoyib jamoaning o'yinlari etarli qiziqish uyg'ota olishiga shubha yo'q. qiziqarli uslub Rossiya milliy jamoasining Kos­ta-Rika termasi bilan bo'lgan uchrashuvi yodingizdami? Garchi o'rtoqlik maqomi ostida kechgan bo'lsada, amerikaliklar o'z raqiblarini ancha mushkul ahvolga solib qo'yishgandi. Ular biz o'rganib qolgan Evropa jamoalaridan sezilarli farqlanadigan uslubda to'p surishadi. Bu uslub hatto favoritlarni ham terlashga majbur etadi. AVSTRALIYa TERMA JAMOASI Osiyo futboliga qiziqish Turkiya, Isroil va qozog'iston Evropa futbolining teng huquqli a'zosi bo'lganidek, Avstraliya OFK vakili hisoblanadi. U OK-2015 g'olibi sifatida Rossiyaga tashrif buyuradi. Kengurular yurti vakillari bir qator mundiallarda risoladagidek o'yin ko'rsatishgan, Tim Keyxill «tolmas bokschi» taxallusi bilan siylangandi. Avstraliya bilan tanishish ishtiyoqi «Yashil qit'a» futbolchilarining Germaniya termasiga qarshi uchrashuvini kuzatgan muxlis ekzotik tajribaga ega bo'ladi. Rivoyatlarga ko'ra, jahongashta Kuk mahalliy aborigenlar bilan uchrashganda yon daftarchasiga «kenguru» iborasini bitib qo'ygan, lekin bu so'z jonivorning nomini anglatmagan. «Kenguru» iborasi mahalliy tilda «tushunmayman» ma'nosini bildirgan. YaNGI ZELANDIYa TERMA JAMOASI Autsayderga bo'lgan qiziqish Jamoa hududiy musobaqa yarim finalida tarkibida Sezar Zeula va Roy Kayardek buyuk o'yinchilar to'p surgan Yangi Kaledoniyani taslim etgandi. Finalda esa Papua-Yangi Gvineyadan penaltilar seriyasiga ko'ra ustun keldi. Bunday «qahramonliklar» ko'rsatgan jamoaga Rossiyada autsayder maqomi berildi. Shuning o'ziyoq, Yangi Zelandiyaga nisbatan etarli qiziqish uyg'otadi. Chempionship gulduroslari Yangi Zelandiyaning kutilganidan yuqoriroq saviyada o'ynay olishiga JARdagi JCh misol bo'la oladi. To'g'ri, oradan ancha vaqt o'tdi, tarkib o'zgardi, KKda favoritlardan o'zib ketishiga ishoniq qiyin. Biroq o'z safiga regbidan bexabar bo'lmagan va chempionship vakillarini qo'shib olgan jamoaning yo'qotadigan narsasi yo'q. Barchani lol qoldirish uchun hech narsadan tap tortmagan holda olg'a tashlanishi aniq. MEKSIKA TERMA JAMOASI Faxriylik maqomi Mazkur musobaqada 7-marta ishtirok etuvchi jamoa. Hatto Avstraliya va Yangi Zelandiyaning ko'rsatkichlari ham ancha kam. Agar tajribaga tayanadigan bo'lsangiz, Meksikani tanlang. Tarkibida «pixini yorgan» faxriylar etarli. Tanish va serg'ayrat futbolchilar Futbolga bo'lgan muhabbat har qanday meksikalikning qonida bor. «Portu», PSV, «Benfika» o'yinchilaridan jamlangan jamoa ko'p ishlarga qodir. Ochoa va Chicharito kabi mahorat sohiblarini tanimaydigan muxlis bo'lmasa kerak. FIFA reytingida 14-o'rinni band etib turgan Meksika JCh-2018 saralashida AqSh maydonidan g'alaba bilan qaytdi. AFRIKA ChEMPIONI Ishtirokchining ekzotik maqomi Afrika Millatlar kubogining nav­batdagi g'olibiga muxlislik qiladiganlar ham afsuslanmasalar kerak. Yangi yilning fevral oyida Gabon mezbonligida o'tadigan turnir «qora qit'a»ning eng kuchli jamoasini aniqlab beradi. Top-liga bilan mustahkam aloqa Agar AFKda g'oliblik Kod-d~Ivuarga nasib etsa, mulislar huzuriga Erik Bayi, Senegal zafar quchsa, Mane, jazoirliklardan Slimani va Mahrez tashrif buyurishadi. Misrlik Muhammad Saloh va mezbonlar vakili Obameyang ham etarlicha qiziqish uyg'ota oladi. Turnirga bo'lgan munosabat Nemislar yoki portugallar uchun KK o'ta muhim rasmiy musobaqa maqomida bo'lmasligi mumkin, ular turnirda g'olib chiqishdan ko'ra, JChga puxta hozirlik ko'rishga ko'proq urg'u bersalar, ajabmas. Ammo Afrika vakilining zafar quchishi qit'a futbolining yangi saviyaga ko'tarilganini anglatadi. Davomi "InterFUTBOL" gazetasi.
— deya xabar beradi uff.uz nashri.