“Lokomotiv” futbol klubi 20 dekabr sanasida “Loko Cup” ilk bolalar futbol festivalini tashkil etmoqda. “Lokomotiv” futbol maktabi tarbiyalanuvchilari dunyoning turli mintaqalarida o'tkazilayotgan festival hamda turnirlarda ishtirok etib kelishayotgan edi. Endilikda klubning o'zi ham yosh futbolchilar uchun mana shunday futbol festivali tashkil etishni yo'lga qo'yadi. Ilk “Loko Cup” festivali ertaga poytaxtimizdagi Toshkent Axborot Texnologiyalari universiteti sport saroyida bo'lib o'tadi. Uchrashuvlarning barchasi soat 14:00dan 18:00ga qadar davom etadi. Unda “Lokomotiv” futbol klubining Toshkent shahri, Surxondaryo viloyati va Namangan viloyatida joylashgan jamoalari,Toshkent shahridan “Spartak” klubining 2009-2010 yillarda tug'ilgan yoshlardan iborat jamoalari va “Lokomotiv” futbol maktabi qoshidagi 2011-2012 yillarda tug'ilgan “Loko Junior”, “Loko Kids”, “Chempionchik”, shuningdek Namanganning “Umid” jamoasi ham ishtirok etishadi.
— deya xabar beradi uff.uz nashri.