Angliya chempionatining 17-turidan o'rin olgan “Everton” – “Liverpul” uchrashuvi o'z nihoyasiga etdi. Unda 0:1 hisobi qayd etilib, mehmonlarning g'alabasi bilan yakunlandi. Birinchi bo'lim tengkurashlar ostida o'tdi. Har ikki jamoa ehtiyotkorlik bilan harakatlanib, o'z omadini asosiy qarshi hujumda sinadi. Ikkinchi bo'limda esa “Liverpul“ tashabbusni o'z qo'liga olib, raqib darvozasi tomon bosimni kuchaytirdi. Taym o'rtalarida Firmino darvozabon bilan deyarli birga-bir vaziyatga chiqib, sal qolsa hisobni ochishi mumkin edi. Mane to'pni darvoza to'riga joylashi mumkin edi, biroq so'nggi pallada Leyton Beyns to'pni maydon tashqarisiga chiqarib yuborishga muvaffaq bo'ldi. Shunga qaramay, ikkinchi bo'limga qo'shib berilgan vaqtda senegallik hujumchi o'z so'zini aytdi. Zahiradan maydonga tushgan Daniel Starrijning jarima maydonchasi tashqarisidan yo'llagan zarbasidan so'ng darvoza ustuniga tegib qaytgan to'pni, Mane to'rga joylab qo'ydi va yakunda Klopp jamoasiga g'alabani keltirdi. Shu tariqa, “Liverpul” “Everton”ga qarshi derbining so'nggi daqiqalarida g'alabani ilib ketdi. Angliya chempionati
17-tur Everton – Liverpul 0:1 (0:0,0:1)
Gol: 0:1 – 90+5 Mane.
Everton – Stekelenburg (Robles, 64), Uilyams, Beyns, Funes Mori, Koulmen, Barkli, Guye, Makkarti (Berri, 46), Lennon, Lukaku, Valensiya (Kelvert-Lyuin, 73).
Liverpul – Minole, Klayn, Lovren, Klavan, Milner, Xenderson, Lallana (Djan, 82), Mane (Leyva, 90), Veynaldum, Firmino, Origi (Starridj, 82).
Ogohlantirishlar: Lovren (56), Barkli (68), Koulmen (69), Guye (85).
— deya xabar beradi uff.uz nashri.