"Vest Xem" yarim himoyachisi Dimitri Payet "Arsenal"ga o'tishga qarshi emasligini bildirdi.
"Venger meni "Arsenalga" etishmayotgan o'yinchi, deb aytganini o'qidim. Ammo u hech qachon menga shaxsan o'zi bu gapni aytmagan. Bu jamoa hujumkor o'yin namoyish qiladi va ko'p gol uradi. Menimcha "Arsenal"da o'ynash ancha quvonchli bo'lar edi.
Klubdagi holat menga ta'sir o'tkazadi. Ammo men intiluvchan odamman. Klubdagi boshqalar qatori men ham kurashyapman va "Vest Xem" og'ir vaziyatdan chiqib ketishiga harakat qilmoqdaman.
Ammo men hech narsani istisno etmayman. Chempionlar ligasida o'ynashni juda sog'indim", - deydi Payet.
Eslatib o'tamiz, biroz vaqt muqaddam Payet 15 million funt evaziga jamoadan ketishi mumkinligi aytilgan edi.
— deya xabar beradi uff.uz nashri.