"Barselona" yarim himoyachisi Ivan Rakitich jamoa bosh murabbiyi Luis Enrikening munosabatidan norozi bo'lmoqda. Yarim himoyachining noroziligi "Espanol"ga qarshi kechgan bahsdan so'ng kuchayib ketgan.
Xabar qilinishicha, xorvatiyalik futbolchi Ispaniya chempionatida so'nggi ikki o'yinni zaxira o'rindig'ida o'tkazdi va "Espanol"ga qarshi o'ynamagani unga yoqmagan. Biroz vaqt muqaddam Rakitichda jarohat borligi aytilgan edi. Ammo aslida yarim himoyachi mutlaqo sog'lom va faqat murabbiy qaroriga ko'ra maydonga tushmayapti.
Ivan Rakitich nima sababdan Enrike unga nisbatan bunday munosabatda bo'layotganini tushunmayapti. Yarim himoyachi joriy mavsum "Barselona" safida 12 o'yinda maydonga tushgan va 2 ta gol kiritgan.
— deya xabar beradi uff.uz nashri.