Angliyaning “Chelsi” jamoasi rahbariyati “Real” yarim himoyachisi Xames Rodrigesga jiddiy qiziqish bildirmoqda. Bu haqda Daily Mirror nashri xabar tarqatdi. Ma'lumotlarga ko'ra, London klubi kolumbyaliya futbolchi uchun 89 million evro sarflashga tayyor. “Chelsi” Xitoyga yo'l olayotgan Oskarning transferidan tushadigan pulni aynan Xamesni sotib olish uchun ishlatmoqchi va shu orqali yarim himoyani kuchaytirmoqchi. Eslatib o'tamiz, Xames klublar o'rtasidagi JCh finalidan so'ng “Real”dan ketishga qaror qilgani haqida ma'lum qilgandi. Futbolchi etarlicha o'yin amaliyotiga ega bo'lmagani uchun shunday qarorga kelganini aytdi. Keyinroq “Qirollik klubi” sardori Serxio Ramos kolumbiyalik futbolchining fikrlarini keskin qoraladi. 
— deya xabar beradi uff.uz nashri.