"Barselona" bosh murabbiyi Luis Enrike kataloniyaliklar yarim himoyachisi Ivan Rakitich bilan munosabati buzilgani haqida savolga javob berdi.
"O'zimni yoki Rakitichni oqlashni aslo istamayman. Bu ishni qilish niyatim yo'q. Rakitich "Barselona" uchun avval ham muhim o'yinchi edi, bunday keyin ham bo'ladi. Men o'zimga bildirilgan tanqidni qabul qilishim lozim. Bundan keyin ham meni tanqid qiladilar, chunki jamoaga foyda keltiradi deb o'ylagan qarorim hammaga ham yoqmasligi tayin. Rakitichning ishga bo'lgan munosabatidan juda mamnunman", - deydi Enrike.
Xabar qilinishicha, xorvatiyalik futbolchi Ispaniya chempionatida so'nggi ikki o'yinni zaxira o'rindig'ida o'tkazdi va "Espanol"ga qarshi o'ynamagani unga yoqmagan. Biroz vaqt muqaddam Rakitichda jarohat borligi aytilgan edi. Ammo aslida yarim himoyachi mutlaqo sog'lom va faqat murabbiy qaroriga ko'ra maydonga tushmayapti.
— deya xabar beradi uff.uz nashri.