«Atletiko» klubi hujumchisi Antuan Grizmann madridliklar jamoasidan ketish niyati yo'qligini aytib o'tdi. ««Atletiko»da o'zimni yaxshi his qilmoqdaman va rostini aytsam, jamoani tark etish niyatim yo'q. Hamma Angliya chempionati klubiga o'tishimni gapirmoqda, ammo men hali hanuz Madriddaman. «Real»? Mening jamoamdan u erga o'tish qiyin masala va o'zim ham buni xohlamayman. Bu haqida xatto o'ylamayapman», — deya Grizmann so'zlarini keltirmoqda Manchester Evening News nashri. Avvalroq Grizmannga «Manchester Yunayted» va «Arsenal» klublaridan qiziqish borligi aytilgan edi. 25 yoshli hujumchining «Atletiko» bilan amaldagi shartnomasi 2021 yilga qadar mo'ljallangan.
— deya xabar beradi uff.uz nashri.