Angliya futbol assotsiatsiyasi “Lester” klubining hujumchi Jeymi Vardining diskvalifikatsiyasiga nisbatan shikoyat arizasi bo'yicha qaror chiqardi. APLning 17-turidan o'rin olgan “Stok Siti” – “Lester” (2:2) uchrashuvida Vardi raqib o'yinchisi Mama Diufga qarshi qo'pol qoida buzish tufayli to'g'ridan-to'g'ri qizil kartochka bilan jazolangandi. “Lester” bahsdan so'ng hakamning qarori yuzasidan shikoyat arizasi yozdi. Assotsiatsiya Angliya chempionining arizasini rad etdi. Shu tariqa, Vardi “Everton”, “Vest Xem” hamda “Midlsbro” klublariga qarshi o'yinni o'tkazib yuboradi va faqat 14 yanvar kuni “Chelsi”ga qarshi uchrashuvga maydonga qaytadi.
— deya xabar beradi uff.uz nashri.