Muxlislarimiz bilishadi, so'nggi 2 yil davomida oliy ligada urilgan gollarni vaqt diapazonlariga nisbatini tahlil qilib kelyapmiz. Internet orqali olib borgan izlanishlarimiz shuni ko'rsatdiki, bunday solishtirma so'nggi paytlarda hattoki, rus tilida faoliyat olib boruvchi saytlarda ham yo'q. Tegishli vaqt oralig'idagi gollar Vaqt diapazonlari bo'yicha o'yinni qismlarga bo'lib chiqsak, 6ta 15 daqiqalik vujudga keladi. PFL rasmiy sayti tomonidan har bir turdan so'ng taqdim etilgan o'yinlarning rasmiy qaydnomalari asosida urilgan barcha gollarni tegishli ravishda taqsimlab chiqdik. Mantiqan tushunarliki, eng ko'p gol so'nggi 15 daqiqalikda urildi - jami 146ta. Bu chempionatda qayd qilingan gollarning umumiy sonidan 22,67 foizini tashkil etadi. Gollarning 43,8 foizi birinchi bo'lim, 56,2 foizi esa tanaffusdan keyingi 45 daqiqalikka to'g'ri keladi. Oliy ligamiz klublar o'yinning dastlabki 15 daqiqasida ancha kam gol urishganini ham alohida ta'kidlash o'rinli. O'ziga xos «razvedka» vaqti sanalgan bu daqiqalarda muxlislar jami 79ta gol ko'rishgan, xolos. Raqamlar aldamaydi. Misol uchun, chempionatimiz g'olibi - «Lokomotiv» klubini olaylik. Gollar soniga qarasak, «temiryo'lchilar»ning o'yinning 6ta 15 daqiqalik vaqtida bir xil sur'atda to'p surishgani ko'rinadi. Shu tahlil ham jamoaning chempionligi bo'yicha savollarga o'rin qoldirmaydi. Har holda, «Loko»ni ta'qib qilgan asosiy kuchlar - «Bunyodkor» va «Nasaf» klublarida o'yin qismlari bo'yicha bir xillik kuzatilmaydi. Jamoalar tomonidan urilgan barcha gollar xronometraji Klub 1-15-daq. 15-30-daq. 31-45-daq. 46-60-daq. 61-75-daq. 75-90-daq. Jami: «Andijon» 2 4 3 2 5 4 20 «Bunyodkor» 8 4 9 9 7 9 46 «Buxoro» 4 7 5 8 8 10 42 «Lokomotiv» 14 10 12 12 13 16 77 «Navbahor» 4 7 5 5 7 9 37 «Nasaf» 11 7 9 9 9 15 60 «Neftchi» 2 6 7 5 6 2 28 «Mash'al» 6 4 9 7 - 9 35 «Metallurg» 4 7 9 7 8 12 47 «Obod» 3 6 4 3 3 6 25 «Olmaliq» 6 7 4 6 7 10 40 «Paxtakor» 4 10 5 13 7 10 49 «So'g'diyona» 3 3 3 2 4 8 23 «Sho'rtan» 1 9 7 6 9 11 43 «Qizilqum» 2 6 4 8 12 9 41 «Qo'qon-1912» 5 7 4 6 3 6 31 Jami: 79 104 99 108 108 146 644                           Ikki bo'limdagi gollar Yakunlangan mavsum o'z tarixida ilk marta chempionlik maqomiga erishgan «Lokomotiv» ayniqsa, ikkinchi bo'limda haqiqiy kuchini ko'rsatdi. E'tibor bering, «temiryo'lchilar» tanaffusdan keyingi vaqtda 41ta gol urishdi. Taqqoslash uchun keltirsak, oliy ligada ishtirok etgan naq 7ta jamoaning jami gollari soni 40taga etmadi. Umuman, birinchi bo'limda gol urish bobida ham aynan «Lokomotiv» tengsiz - 36ta. Xullas, «temiryo'lchilar» har ikki bo'limda samaradorlikni o'rniga qo'yishdi. «Nasaf»ga ham alohida e'tibor qaratish mumkin: qarshiliklar ikki bo'limda deyarli teng miqdorda gol hosil qilishdi. Demoqchimizki, bu jamoa ham ikkinchi bo'limda (ayniqsa, uning o'rtalarida) nisbatan  tajovuzkor harakatlanganida, ehtimolki, vitse-chempionlik maqomi - kumush medal vohaliklarga nasib etardi. Davomi iff.uz saytida.
— deya xabar beradi uff.uz nashri.