Poytaxtimizdagi yangi bunyod etilgan “Universal” sport majmuasida sport kurashlari bo'yicha O'zbekiston chempionati yakunlandi.
Bu haqda O'zbekiston sport kurashlari assotsiatsiyasi matbuot xizmati xabar bermoqda. Musobaqaning so'nggi kuni erkin kurash ustalari 61, 70, 86 va 125 kg vazn toifalarida chempionat medallari uchun kurashga chiqishdi.
61 kg vaznda Rio Olimpiadasi ishtirokchisi, 18 yoshli Abbos Rahmonov g'oliblikni qo'lga kiritdi. 70 kg vaznda buxorolik Mirzo Xayitovga teng keluvchi raqib topilmadi.
86 kg vazn toifasida Toshkent viloyati vakili Ilfat Rajapov, eng og'ir, ya'ni 125 kg vaznda navoiylik Hasanboy Rahimov O'zbekiston chempioni bo'ldi.
Manba: olamsport.com
— deya xabar beradi uff.uz nashri.