“Barselona” klubi bosh murabbiyi Luis Enrike “Vilyarreal” jamoasi yarim himoyachisi Roberto Sorianoga qiziqmoqda. Bu haqida Sky Sports nashri xabar tarqatdi. Manbada aytilishicha, futbolchiga shuningdek Madridning “Atletiko” klubi tomonidan qiziqish bor. Italiyalik futbolchi 2016 yilning yozida “Sampdoriya“dan “Vilyarreal”ga 14 million evro evaziga o'tgandi. Uning ispan klubi bilan bitimi hali yana to'rt yarim yil amal qiladi. Joriy mavsumda Soriano La Liganing 15ta o'yinida maydonga tushib, 4ta gol hamda 3ta golli uzatmaga mualliflik qilgan.
— deya xabar beradi uff.uz nashri.