O'zbekiston milliy terma jamoasi a'zosi Fozil Musaev faoliyatini Yaponiya J1 ligasida davom ettiradi.
Yakunlangan mavsumni Qarshining “Nasaf” klubi safida o'tkazgan yarim himoyachi JLiga vakili “Jubilo Ivata” klubi bilan shartnoma imzoladi. Bu haqida yapon klubi rasmiy sayti xabar bermoqda.
27 yoshli futbolchi Yaponiya klublari safida to'p suradigan o'zbekistonlik birinchi futbolchi sifatida qayd etiladigan bo'ldi.
“Yaponida to'p suradigan o'zbekistonlik birinchi futbolchi ekanimdan mamnunman. Bu men uchun yangi chaqiruv va bu meni o'zimni eng yaxshi tomondan namoyish qilishga undaydi. O'ylaymanki, bu transfer, shuningdek, o'zbek futboli rivoji uchun ham foydali bo'ladi.
J liga Osiyoning eng kuchli chempionati deb hisoblayman va bu ligadagi kuchli jamoalarga qarshi to'p surib, munosib tarzda kurashishga harakat qilaman”, - deydi Fozil klub rasmiy sayti uchun bergan intervyusida.
Klub rasmiy saytidagi xabarda shartnoma muddati borasida ma'lumot keltirilmagan.
Ma'lumot uchun, "Jubilo" 1972 yilda tashkil etilgan bo'lib, Yaponiyaning eng sovrindor jamoalari ro'yxatida uchinchi o'rinni band etib turibdi. Jamoa uch bora (1997, 1999, 2002)  J Liga, uch bora mamlakat Super kubogi, ikki bora Yaponiya kubogi, shuningdek Imperator kubogi g'olibi bo'lgan. 1999 yilda klublar o'rtasidagi Osiyo chempionati g'olibi hisoblanadi.
2016 yilgi mavsumda Musaevning yangi jamoasi chempionatni 13-o'rinda yakunlagan.
— deya xabar beradi uff.uz nashri.