RFPLning navbatdagi turida «Krasnodar» va «Zenit» klublari o'zaro kuch sinashib, muxlislarga dramatik o'yin tuhfa etishdi. Yakunda «buqalar» irodali g'alabaga erishishdi. Bu uchrashuvni hattoki, EChL finalidagi «Bavariya»-«MYu» bahsiga tenglashtirganlar ham uchradi. «SE» muxbirlari esa fursatdan foydalanib, g'olib jamoa ustozi Igor Shalimovni suhbatga tortib, uning fikrlari bilan qiziqishdi. - O'yindan keyingi teleinter-vyuda g'alabani mo''jizaga qiyosladingiz. Rostdan ham shunday deb o'ylaysizmi? - Jamoangiz 0:1 hisobida yutqaza turib, 92 va 94-daqiqalarda urilgan gollar evaziga g'alabani o'z tomoniga og'dirsa, buni albatta, mo''jiza deyish mumkin. Lekin shu bilan birga, biz g'alabaga loyiq harakat qilganimizni ham ta'kidlab o'tish lozim. O'yin teng kurashlar ostida kechdi, hakam tomonidan qo'shib berilgan vaqtdagi voqealarni esa faoliyatim davomida ko'rmagandim. Aytgancha, «Bavariya» va «MYu» klublari qatnashgan ChL finalida xuddi shunga o'xshash holat ro'y bergandi. - Balki bu g'alaba adolat ramzidir? - Adolat yuzaga chiqqani rost. Chunki gol o'tkazib yuborganimizdan ke-yin tushkunlikka berilmay, o'zimiz o'rgangan aqlli futbolni namoyish qilaverdik. Qolaversa, raqib ham katta xatoga yo'l qo'ydi. Ayniqsa, birinchi golda. Kuchli jamoani xato qilishga majburlash uchun esa kuch kerak. Demak, biz qudratli ekanmiz. - Ikkinchi bo'limda zaxiradan maydonga tushgan futbolchilar «Krasnodar» o'yinini keskin kuchaytirishdi. O'zgarishlar shunday samara keltirishi avvaldan rejalashtirilganmidi? - Biz «Zenit»ning so'nggi o'yinlarini tahlil qilib, ushbu klub hozir o'z imkoniyatlari darajasida o'ynay olmayapti, degan xulosaga keldik. Aks holda, mo''jiza yuz bermasdi. Albatta, buni futbolchilarga ham uqtirdik. Menimcha, piterliklar ayni paytda imkoniyatlarining 70 foizi darajasida harakat qilishmoqda, ichki muhit unchalik yaxshi emas. Aniqroq aytsam, ularda jamoaviy o'yin yo'qolib qolgandek, go'yo. Lekin individual mahorat bobida shubhaga o'rin yo'q, kuchli futbolchilar bor va aynan ular g'alabalar sababchisiga aylanishmoqda. Ayniqsa, Dzyubadan hadiksiragandik. Chunki u zarur vaqtda kerakli joyda paydo bo'ladi. Afsuski, yigitlarga ehtiyotkorlik haqida ko'rsatmalar berganimizga qaramay, darvozamizga aynan Dzyuba to'p kiritdi. - «Krasnodar»ning «plyus» tomonlari nimada? - Bizning asosiy yutug'imiz shundaki, futbolchilarimizning har biri o'zining harakatlari haqida mukammal tushunchaga ega. «Krasnodar»ning o'yin uslubi - shunchaki, to'pni nazorat qilish emas, balki to'p yo'qotilgan holatda ham faollik ko'rsatib, oxirigacha kurashish. Darvoqe, uchrashuv tomoshabop o'tgani uchun «Zenit»ga alohida tashakkur bildiraman. Chunki piterliklar himoyaga yotib olishmadi. Aslida, chempionatimiz himoyaviy futbolga asoslangan va shu bois, u menga «Rostov»ning uslubini eslatib turadi. Bizda besh himoyachi taktikasi va qarshi hujumga katta tezlikda o'tish juda ommalashgan. - Xo'sh, unda «Krasnodar»ning uslubi qanday? - Bilasizmi, biz o'z o'yinimizni xuddi top-klublardek shakllantirishga intilyapmiz. Bu bilan «Krasnodar»­ni «Barsa» yoki «Bavariya»ga qiyoslash mumkin, demoqchi emasman. Chunki bu jamoalardagi futbolchilarning saviyasi mutlaqo boshqacha. Shunchaki, biz qo'l ostimizdagi o'yinchilar imkoniyatlaridan kelib chiqib, to'p nazoratini o'z tomonimizga og'dirish, uchrashuvning asosiy qismini maydonning raqibga tegishli qismida o'tkazishga intilyapmiz, xolos. - Okriashvilining o'yindan ke-yin tan olishicha, siz uni zaxiradan maydonga tushira turib, albatta, gol urishi kerakligini aytgan ekansiz, shundaymi? - Har bir murabbiy hujumkor futbolchini maydonga tushirayotganda, gol urishi kerakligini uqtirishi tabiiy hol. Bu - universal maslahat. - Okriashvili mashg'ulotlarda «qaychi» usulini mashq qilarmidi? - Ha, u bunday zarbalarni ko'p takrorlaydi. Lekin ochig'ini aytsam, uning harakati «Zenit»ga qarshi o'yindagidek chiroyli va aniq chiqqani, samara keltirganini ko'rmagandim. Eng muhimi, agar bunday zarbalar alohida mashq qilinmasa, mo'ljal noaniq chiqishi va oqibatda jiddiy jarohat olishi ham hech gap emas. Okriashvili esa mashg'ulotlardagi tinimsiz mehnatlari tufayli ushbu golga munosib edi. - Ehtimol, «Zenit» darvozaboni Lodigin joy tanlashda adashgandir? - Bu savol menga taalluqli emas. Biz o'zimizga, ajoyib hujumchimizning kutilmagan zarbasiga qoyil qolsak bo'lgani. Lodiginning xatolarnini tahlil qilish - raqib jamoa murabbiylarining ishi. - Marat Izmaylov butun maydon bo'ylab hujumlarga qo'shilmoqda. Aslida uning o'rni qaerda? - Marat - pleymeyker. U qachonki raqib jarima maydoni atrofida yoki uning ichida paydo bo'lsa, vaziyat darhol keskinlashadi. Mana, Izmaylov bugun ham gol urdi, qo'shimchasiga samarali uzatma muallifiga aylandi. Marat to'p bilan ko'proq muomala qilishni yoqtiradi. Shuning uchun biz unga imkon qadar raqib darvozasiga yaqinroq joyda o'ynash kerakligini uqtirdik. - Ko'pchilikning fikricha, «Krasnodar»ga g'alaba keltirgan ikkinchi golda o'yindan tashqari holat bor ekan... Davomi Interfutbol.uz saytida.
— deya xabar beradi uff.uz nashri.