Qatar milliy chempionatida birinchi davra o'yinlari yakunlandi. Ushbu chempionatda hamyurtimiz Sardor Rashidov ajoyib o'yin namoyish etmoqda. Biz Sardorning birinchi davradagi natijalariga alohida to'xtalib o'tishni joiz deb topdik.
Rashidov Birinchi davradagi 13 uchrashuvning 12 tasida maydonga tushdi. Hujumchi ana shu bellashuvlarning 11 tasini asosiy tarkibda boshlagan bo'lsa, 1 bahsda zaxiradan o'yinga qo'shilgan. Murabbiylar futbolchini 3 uchrashuvda zaxiraga olishgan, qolgan 8 o'yinni esa Sardor to'liq 90 daqiqa maydonda o'tkazgan. Maydonda o'tkazgan umumiy vaqti 958 daqiqani tashkil etadi.
Rashidov 12 o'yinda 8 ta gol kiritdi. O'tgan mavsumda u 23 bellashuvda o'z hisobiga 9 ta gol yozdirib qo'yganini inobatga oladigan bo'lsak, futbolchi oldingi mavsumdagi natijasini yaxshilash imkoniyatiga ega ekanligiga amin bo'lamiz. Keling yaxshisi hujumchining gollariga alohida to'xtalib o'tsak.
Chempionatning birinchi turida "Al-Jaish" o'z maydonida "Al Vakra"ni qabul qildi. O'yinning 26 daqiqasida futbolchi jamoasining mavsumdagi ilk goliga mualliflik qildi. Shu kuni mezbonlar 2:1 hisobida zafar quchishdi. Davomi Furqat Yusupov blogida.
— deya xabar beradi uff.uz nashri.