Bir necha kun avval Londonning “Kristal Pelas” jamoasi bosh murabbiyi Alan Pardyuni iste'foga chiqargandi. “Burgutlar” matbuot xizmatining ma'lum qilishicha, “Kristal Pelas”ni endilikda 62 yoshli mutaxassis Sem Ellardays boshqarib boradi. Qayd etish kerakki, Ellardaysning so'nggi ish joyi Angliya termasi bo'lgan. Mutaxassis korruptsiyaga oid ishlarga aralashgani uchun u o'z ishidan ozod etilgandi. Sem Ellardays Angliya termasini atigi bir o'yinda maydonga olib chiqib, g'alaba qozongan edi.  Faoliyati davomida Ellardays "Bolton", "Nyukasl", "Vest Xem", "Sanderlend" va "Blekbern" klublarini boshqarib borgan. 
— deya xabar beradi uff.uz nashri.