Madridning "Atletiko" klubi bosh murabbiyi Diego Simeone yozda "Chelsi"dan Diego Kostani qaytarib olishga urinib ko'rganlari, ammo hujumchining shartnomasida transfer qiymati ko'rsatilmagani sabab buning imkoni bo'lmaganini ta'kidlab o'tdi.
"Diego Kosta bilan birga ishlagan davrimizda u bilan hamma masalada ochiq oydin gaplashib olganman. Shu sababli u bilan hozir ham yaxshi munosabatlarimiz saqlanib qolgan.
Yozda biz Kostani Madridga qaytarishni istagan edik, ammo muammo shundaki, Angliyada futbolchilarning transfer qiymati shartnomasida ko'rsatilmaydi. Shu sababli "Chelsi": "Biz Kosta uchun 180 million funt talab qilamiz", yoki "uni sotishni istamaymiz", deyishi mumkin edi.
Men va klub Kostani qaytarib olish uchun qo'limizdan kelgan barcha ishni amalga oshirdik. Ammo uddasidan chiqa olmadik. Keyin uning o'rniga Kevin Gameyroni sotib oldik", - deydi Simeone.
— deya xabar beradi uff.uz nashri.