Madridning "Real" klubi sobiq yarim himoyachisi Esteban Granero 2011/2012 yilgi mavsumda Ispaniya chempionatida qo'lga kiritilgan g'alabaga katta baho berdi. O'sha yili madridliklar Joze Mourino boshqaruvi ostida Ispaniya chempioni bo'lgan edi. Portugaliyalik murabbiy ishlagan davr "Real" va "Barselona" o'rtasidagi bemisl keskinlik bilan yodda qolgan.
"Men "Real" akademiyasida o'ynagan vaqtlarda "Barselona"ga qarshi o'tkazilgan o'yinlarda yaxshi natijalarga erishar edik. Ammo keyin 1987-1988 yilda tug'ilgan futbolchilardan iborat jamoa Gvardiola qo'l ostida juda kuchaydi va ketma ket g'alabalarga erisha boshladi.
Bu holat 2011/2012 yilgi mavsumda Ispaniya chempionatida g'olib chiqqunimizga qadar davom etdi. Mourino boshqaruvidagi "Real"ning g'alabasi "Barselona"ni o'z o'rniga qaytardi, biz ham o'z joyimizni egalladik. Shundan buyon "Barselona" avvalgi hurmatini ancha yo'qotdi", - deydi Granero.
— deya xabar beradi uff.uz nashri.